Nyidar Hyel
103
1 Pya ya, fal Tlakəu! Sənda ku ya dəhə fal tləmə nyi nda Karti. 2 Pya ya, fal Tlakəu, ngwa ka da far na dəhə mənakur nyi wa. 3 Cha far na səpəla'a ɗa dəhəu, ngə cha mbandə dəhə shiləkə ɗa. 4 Cha dləuya ɗa tsa hwa ga səngə ɗa papa'akur ku nyida ana tuhuɗəu. 5 Cha nyandə ɗufwa ya na sə durdur i, aka ga ya ngya wi tlakala ana dunama wi dukəu. 6 Tlaka kwa mərtənyi nəumar jiri nə nji inda nja kwa ɗa, cho nənda sənda nəkənda. 7 Cha chabiya nyi nə Musa sənda cha ɓatləya ka cho məra. Ngə cha ngyari njir Israila nda la'a sə'inda cha mər na gyalkur nyi. 8 Tlakə ndər tuhuɗə cha, ya ndər nyida cha tsəu, huɗətla nyi da kuswa, ya nyidanyi 'ualəu. 9 A da wa'atanyi cho tsə wa; ya a cha kwa mər huɗətla ba'anawa wa. 10 A da cho ɓu mən aka dəhə səpəla'a kəmən ndara cha kinda mən aka bikəmən wa. 11 Wi ngə tə huɗamələm naɗə tsa dunəya, əngə gwangkura nyida anə nji'inda kwa la'a səli nyi. 12 Wi ngə tə zədər pəchi naɗə tsa təɗər pəchi, əngə cha handa səpəla'a kəmən naɗə tsa mən. 13 Wi ngə tə Ada na mənakəkur nə ngulisha'a nyi, əngə tsəu Tlakə na mənakəkur təkəra nji'inda kwa ləvər nyi;