50
16 Amma a nə ndə kəmangər, Hyel tə na:
<< Mya gwa'atə ya hyo dlədləɓə gadlagadala ɗa?
mya gwa'atə tsəu hyo ndəra təkəra alkawal ɗa?
17 Hya ngyari ya təɗə hima hi
hya uchinda ɓwanya ɗa ya hində hi.
18 Ma hya la'a ndər həla, ba hya mər bazhikur ka cha;
hyo daɓə kər ka njir mər kasalikur.
19 Hyo pə sə ɗimi na nya hi
a da hyo ngatə dədəɓkur tla gəzhi wa.
20 Kala biji ko chuɗənya təkəra zaməngha
ana zəra Amangha.
21 Dəhə sə inga a mərtə ka ngə ya dataɗa;
ko ɗari ku jigadəmangha naya wi na ka.
Amma naya sakana yo tsəngha
yo chatə nghə tə babal.
22 <<Ngata ma sə na, nahi nda kwa far na Hyel,
əngə wa yo zhazhanda nahi, ya ndər dləuya hi da wa.
23 Kala ndə nda kwa usaku ɗa ku biji nda cha kwa shilna hatəmachi nyi kwa la'a səli ɗa, ya cha kwa ɓatliya laku
tsaka yo chatənyi dləuya nə Hyel.>>