4
1 Wuma na'a ma sakanda ya pətlənya ti,
Hyel sər wovi ɗa!
Vala ɗa, sakanda ya ku ɓwaɓwatə ti.
ngatə tuhuɗə sakana ka wum pətlənya ɗa.
2 Nahi nji ka ba'asakamani hyo ngyari ngəlɗa?
Ba'a sakamani hyo ngyari nyida sə ɓwatanyi
ana nəu sənda gəzəya?
3 Hya ənda Tlakəa dzəɓəbiya tə nji mənakə ka kərnyi;
Tlakəa kwa ngatə ɗa ma ya pətlənya nənyi.
4 Hya ləvəra, hya ngyari mər səpəla'a
hya jigadəma tə kəra nga, ana jiri,
sakanda hya piyata hi tə sərppiya kəhi sunghəu.
5 Hya hatəmachi nda tsatsa'a anə Tlakəu,
hya wovi ana cha.
6 Nji ɗanghəu kwa pətlənya:
Səkə ea papa'akurə Tlakəu,
ndzam ea na mənakə kur.!>>