3
1 Tlakəu, njir dawa tsa ya ɗanghə!
ɗang nji inda tə sha shil kəra ya!
2 Ɗang nji kwa na tə kəra ya abəra,
<<Hyel da kwa mbəɗandə nyi wa.>>
3 Amma nakə Tlakə ngə ləgə nda kwa kanda ɗa mwandəzhi wa'atanyi;
ko na'a kura, ya ko ɓəla na'a tsəɗəfu.
4 Ya nga Tlakə ka vala,
aku kəram nyi nda karti cha wum na'a.
5 Ya piya ta ɗa ka go hanyi;
ngə ya ɓəla hya'atə səkəu, aka ngam Tlakə kwa ɓəla ɗa.
6 Da yo ləvər njir dawa gahru kumnyi (10,000)
nda ɓandə ɗa kala bangəw titiwa.
7 Hya'atə Tlakəu,
Dləuya ɗa ja, Hyelləu!
huɓunyi chi ku huɗəma dəhə njir dawa i!
fa'abiya hira nji kəmangər.
8 A tsa Tlakə mbəɗəndə kwa shili.
Ngwa papa'akur ngha ngyatə kəra njingha.