Sər Fa'aki Mahi'i Ɗəuɗəuwa
36
1 Ka gau ka gau nə nyavi Giliyad zər Makir, zər Manasa, inda tə biya ku nyavi inda ku nyandəla Yusufu tə shili ga ndəra a huɗər Musa ana njirwawa'a, kə'i gau i'i nə ka nyavi ka nyavi inda ku Isra'ila. 2 Nda na, <<Tlakəɗa, sakannda Tlakə tə tsau nghə bar ənda ka təkəya nyi hə'i nə Isra'ila təwa ɓəlshiu, Tlaka nar ngha, ka nənyi mbaɗər sər fa'aki zamən ea Zelofehad nə ku'i nyi. 3 Ya mada nda ɗəu ga hə alenya shili ku nyavi inda ku Isra'ila, kəl ba'a nja fəkər sərfa'aki kənda ya təkəra nə nyavi inda nda ɗəu kya kwa. Ana ənga njo hənda part nə sərfa'aki nda nja nə ea. 4 Ya fa nə uya dimukur njir Isra'ila tə shili, njo daɓiya sər fa'aki kənda ana nə nyavi nda nda ɗəwa ya kwa. Ana ənga njo dləuya mbaɗə kənda nə fa'aki nyavi jival kə ea.>>5 Ngə Tlaku tə nar nyi Musa, cha nar nyi nə njir Isra'ila, <<Tsatsa'a ngə səngə nyavi nə nyandəla Yusufu kwa dəkə nga. 6 Janə tsaubat Tlakə a nə ku'i Zelofehad. Ndo nau kala ndə nda kəra i, kəda gacha ɗa ku nyavi ada nda. 7 A vanya sərfa'aki da njo hya'atə ni ku vanya nyavi njo təra ni yo vanya nyavi wa, kala ndər Isra'ila kwa gəzəya sər fa'aki nyavi kənda nda nda dləutsə tsa jival nyi. 8 Dəhə kwa nda tə uya fa'aki ku kala nyavi nə Isra'ila, tuku cha hə sal ku nyavi ada nyi, tsa'aka kala ndə ku Isra'ila gəzəya sər fa'aki ada nyi. 9 A vanya sərfa'aki da njo lənda hya'atə ku vanya nyavi njo təra ni yo vanya nyavi wa, kala nyavi ku Isra'ila kwa gəzəya hə'i nda nda fa'aki ni.>>
10 Aka ənga ku'i Zelofehad tə mər tang wi nda Tlakə tə nar nyi nə Musa. 11 Ku'i Zəlofehad, Mala, Tirzah, Hogla, Milka ana Nowa tə nguil zamənya adan nda. 12 Nda ɗəu ku nyavi Manasa zər Yusufu, ya sər fa'aki kənda tə ngya ku nyavi ana nyandəla adan nda.
13 Nanda ingə tsaubar ana gadlagadla inda Tlakə tə mər nə njir Isra'ila təwa Musa atə babal Mowab a dzər Jodan nda kwa ndzam də na Jeriko.