Ka dzuk ka dzukə njir Israila
2
1 Tlakə tə narnyi nə ka Musa na Haruna: 2 <<Njir Israila kwa ngya dzər madləɓa tsəmdzəa naɗəu, kala ndəu atə mbwar ngya nyavi kənda.>>3 Təwa holma, təwa hya'atər pəchi, dzuk nə Yahuda kwa ngya ku nyavi kənda. Gau nya ndəla Yahuda nacha ngə Nashon zər Aminadab. 4 Nya ndəla cha, nji 74,600.
7 Nya ndəla Zebulun ngə kwa nəu nda. Tləmər gau kənda Eliyab zər Helon. 8 Nji 57,400 ngə ku dzukə nga.
9 Dəhə shili inda nja fəkər təkəra dzuk nya ndəla Yahuda, nji 186,400. Nanda ingə kwa ghəya ma'i.
10 Nya ndəla Roben kwa latə madləɓa kənda təwa təɗər pəchi, ndo ngya ka dzuk ka dzukə. Gau kənda nacha ngə Elizur zər Shedewur. 11 Ɗangkura nji'inda ku dzukə nyi, 46,500
12 Nya ndəla Simion ngə kwa ngya ta'a dzən nda. Gau kənda nacha ngə Shelumiyel zər Zurishadai. 13 Ɗangkura nji'inda ku dzukə nyi, 59,300.
14 Nji'inda kwa nənda nanda ingə nya ndəla Gad. Tləmər gau kənda Eliasaf zər Deyuyel. 15 Ɗangkura nji'inda ku dzukə nyi, 45,650.
16 Dəhədəhə nji'inda nja fəkərə təkəra ka dzuk ka dzuk inda ku nya ndəla Roben 151,450, nanda ingə mətləkunya nji'inda kwa hya'atə.
17 <<Ahir ənga, madləɓa tsəmdza ba'a Nya ndəla Levi təra gwatə ghadar daɓzə nda. Dəhə daɓədzə njir Israila kwa ma'i winda nja nar nda nda ngya, kala ndə ku dzuk kənda.>>
18 Nya ndəla Ifrem kwa ngya nəkənda təwa vwa ku dzuk kənda i'i. Tləmər gau nya ndəla Ifrem Elishama zər Ammihud. 19 Ɗangkura nji'inda ku dzukə nyi, 40,500.
20 Nya ndəla Manasa ngə kwa ngya dzən nda, tləmər gau kənda Gamaliyel zər Pedazur. 21 Ɗangkura nji'inda ku dzukə nyi, 32,200.
22 Nya ndəla Banyami ngə kwa nəwa. Tləmər gau kənda Abidan zər Gideoni. 23 Ɗangkura nji'inda ku dzukə nyi, 35,400.
24 Dəhədəhə nji'inda nja fəkərə təkəra ka dzuk ka dzuk inda ku nya ndəla Ifrem 108,100, nanda ingə makərkunya nji'inda kwa hya'atə.
25 Təwa zədər pichi ka dzuk ka dzuk inda ku nya ndəla Dan kwa ngya. Tləmər gau kənda, Ahiyezer zər Ammishaddai. 26 Ɗangkura nji'inda ku dzukə nyi, 62,700.
27 Nya ndəla Asha ngə dzən nda. Tləmər gau kənda Pagiyel zər Okran. 28 Ɗangkura nji'inda ku dzukə nyi, 41,500.
29 Nya ndəla Naftali ngə kwa nəu nda. Ahira zər Enan ngə gau kənda. 30 Ɗangkura nji'inda ku dzukə nyi, 53,400.
31 Dəhədəhə nji'inda nja fəkərə təkəra ka dzuk ka dzuk inda ku nya ndəla Dan 157,600. Nanda ingə nji'inda kwa hya'atə. 32 Nanda ingə njir Israila inda nja jigabiya winda nda ku nyavi kənda. Dəhə dəhəu nji'inda ku daɓədzə, wi nda nda ku ka dzuk ka dzuk kənda 603,550. 33 Kəl ja, ada nja jiga nya ndəla Levi ku pama njir alenya njir Israila wa, tang winda Tlakə tə nar nyi nə Musa.
34 Əngə njir Israila mər dəhə sənda Tlakə tə nar nyi nə Musa, əngə ngə nda ngya ku dzuk dzukəu kənda, ana ənda mər ma'i, kala ndə ku nyavi kənda.