Nja Katə Səm Mashi
17
1 Tlakǝ tǝ nar nyi nǝ Musa, 2 "Ndǝr nǝ Haruna ana nguli shili nyi, ana dǝhǝ njir Israila, cha natǝ nda nǝna tsaubar hya'atǝ tsa Tlakǝu. 3 "Kwa nau ɗa vanya ndǝr Israila tǝ tlakǝr wulea tǝkǝra tla, gam, ndara kuwah, aku ngakǝu ndara tsǝu biyahir ngakǝu, 4 nda tǝ ki cho nda shili ni tǝ gwar nyavi nǝ Madlǝɓa Tsǝmǝndzǝ ka sǝr hatǝmachi nǝ Tlakǝu, chul ndǝ nga a mǝrtǝ bikǝu nǝ pǝnda mashi ndani, njo hǝbiya nyi ku pama nji ba'a tsǝya nyi. 5 Nacha ngǝ tsaubar kwa char ǝnda njir Israila ngyar hatǝmachi zaɓǝrǝu tǝ babal. tuku nga nda shili na sǝr hatǝmachi kǝnda da fǝrist atǝ gwar nyavi nǝ Madlǝɓa Tsǝmndzǝ aka nja lǝtǝ hatǝmachi nǝ piyarɗufu. 6 Fǝrist kwa uchitǝ mashi tǝ kala badlarma dzǝgana nǝ Tlakǝ a tǝ gwar nyavi Madlǝɓa nǝ Tsǝmǝndza, ǝtsǝu ka cha nginda mal aka sǝr hatǝmachi nǝ shi'uni kwitkwitǝ nǝ Tlakǝu. 7 A tsǝu ndo tsakǝtǝ hatǝmachi kǝnda nǝ katǝ nda pabiya da kuwu wa, nda nji kwa mǝr zawarkur ni tǝwa hǝsǝli nǝ nda wa, aka tar jirikur nga nǝ Tlakǝu. Nǝna gadlagadla nga nda ɓǝlnyi da wa a kanda, ghǝya sakana ba'anawa. 8 Dǝhǝ ndǝr Israila ndara mihiɓi nda na ngya ku pama nda, tǝ lǝnda sǝr hatǝmachi nyi nǝ nginda mada ndara chul hatǝmachi mani, 9 ya a da cha shili ni a tǝ gwar nyavi nǝ Madlǝɓa Tsǝmǝndzǝ aka nja lǝtǝ nyi nǝ Tlakǝ wa, chul ngǝna ndǝu, njo hǝbiya nyi ku huɗa nji ba tsǝya nyi. 10 "Dǝhǝ ndǝr Israila ndara mihiɓi nda na ngya ku pama nda, nda sa ndara sǝm mashi, naya Tlakǝu kwa ɗa dawa na cha, kǝl sakanda ya hǝbiya nyi ku pama nji ga tsǝya nyi. 11 Aka kala pi nǝ sǝnda nja ɓatla aku mashi cha. Ya nǝhi tǝya mashi aka hyo mǝr mirga nǝ sǝpǝla'a kǝhi ni. Mashi nga tǝnyar pi, nacha nga kwa shili nahi mirga. 12 Nacha gwa'atǝ nar nyi nǝ njir Isarila:'Nahi ka mihiɓi nda na ngya ku pama hi gwa hya da ba sǝm mashi ndara hya sa wa. 13 "Dǝhǝ ndǝr Israila, ndara mihiɓi inda na ngya ku pama nda, nda biya ki pǝli ya ngǝ cha tsǝya sǝr shishi ndara eakǝu nda njo ɗǝa, kǝl ndǝ ndǝnya pǝnda mashi sǝnda cha tsǝya nda cha haɗiya na hǝ'i. 14 Aka pya kala sǝu nda nja ɓatlǝu, aku mashi nga ni. Nacha gwa'atǝ ya nar nyi nǝ njir Israila bǝra a da nda sǝm mashi vanya sǝnda nja ɓatlǝ wa, aka pya dǝhǝkura sǝnda ɓatlǝ aku mashi ngani. Dǝhǝ ndǝ nda sǝm mashi, njo tsǝya nyi. 15 " 'Dǝhǝ ndǝ nda ɗǝ sǝ tǝtah (chaɗǝngwa) ndara sǝnda vanya kum takǝu tǝ tsǝya, ndara ndǝr Israila cha ndara mihiɓi cha, kǝl cha chinda lukutu nyi cha waɗǝ na ɓiti. Dǝhǝ ka ǝnga cho ɗa hiɗahiɗa nyi ba' a nǝ akǝu, ahir nga cho ɗa ndǝ karti. 16 Kǝl ja, macha ndǝ ndǝnyi nda chinda lukutunyi ndara a cha waɗǝ wa, lǝmar bikǝnyi sǝnyi tǝkǝra cha.