Təvi Malakə kwa Go Huɗa Nji mach Yah
12
1 Kǝl ngǝ Tlakǝ tǝ nar nyi nǝ Musa bǝra 2 cha dǝkari nyi nǝ njir Israila nǝna tsaubar i."Ma malakǝu tǝ huɗu ga yiyah zǝr sal, cho ɗa hiɗahiɗa hanyi mǝɗǝfa, mǝlmǝl na hanyi nda cha kwa mǝrtǝ na dǝkǝsǝu ku kala hya. 3 A tǝ pǝchir hanyi mǝɗǝfa tsǝu njo tlandanyi bǝdzang nǝ zǝrsal nda. 4 A hir nga, cho mǝrtǝ hanyi makǝrkumnyi tarnya makǝrǝu, nacha ngǝ hanyi inda cho chinda kǝrnyi tsa mashi. Aku ngǝna biji, a cho tsǝkari vanya sǝnda nja dzǝvǝya karti wa, ǝtsǝu, a cho gwa ku Vi Nda Karti wa, kǝl cha nyabiya hanyi nǝ chinda kǝrnyi chamǝu. 5 Kǝl ja, macha malakǝ cha yiyah, cho ɗa hiɗahiɗa hanyi kwabufwaɗǝu, mǝlmǝl na hanyi nda cha mǝrtǝ na dǝkǝsǝu nǝ hyahya. ahir nga, cho mǝrtǝ hanyi kwakumnyi tarnya kuwah, nacha ngǝ hanyi inda cho chinda kǝrnyi tsa mashi. 6 Sakanda hanyi nǝ waɗǝ mapiɗǝkur nǝ yah zǝrsal ndara kwamalakǝu tǝ nyabiya dza, cho shili na nyi zǝr gam fa zhang nǝ fǝrist aku gwar nya vi Madlǝɓa tsǝmǝdza aka sǝr hatǝmachi nǝ nginda. Ətsǝ cho shili na mbǝla Masar ǝngwa mbǝla hatǝmachi nǝ chinda sǝpǝla'a. 7 Fǝrist kwa lǝnda sǝ inda mar Tlakǝu, aka cha mǝrtǝ nyi mirga nǝ mala nda, ya cho ɗa chamǝu, atsa mashi yah nda kwa nau yi nda. Nacha ingǝ tsaubar anǝ dǝhǝ mala nda tǝ yah zǝr sal ndara malakǝu. 8 "Ma cha tsǝu a cho nau shili na tǝm wa, kǝl ba cha shili na mbǝtla mǝtlǝu ngǝwa mbǝtla Masar mǝtlǝu, zhang aka hatǝmachi nǝ nginda, zhang tsǝu a hatǝmachi nǝ chinda sǝpǝla'a. Frist kwa shili lǝnda sǝ inda aka mirga ka malanda, ya cho ɗa kǝla hiɗahiɗa.