Kə'i Pərist tə Ghəya Tlər Kənda
9
1 Ahir ladǝr nǝ dzǝvǝ nda, pishir hanyi chisǝkunyi, ngǝ Musa tǝ nga Haruna ana ngulisha'a nyi, ana sǝrma nǝ Israila ii. 2 Ngǝ cha nar nyi nǝ Haruna, "Hǝtǝ zǝr gyal tla aka sǝr hatǝmachi nǝ sǝpǝla'a ana gam aka aka hatǝmachi nǝ nginda, kya'anda nda ɗa kǝla tyakǝm ti, ka shili lǝna nda amar Tlakǝu. 3 Ətsǝu ka nar nyi nǝ njir Israila nda hǝtǝ bura aka sǝr hatǝmachi nǝ sǝpǝla'a aka kǝrnǝnda ana zǝr dalǝu ana zǝr gam fa zhang aka hatǝmachi nǝ nginda, kala zhang kwa ɗa kǝla tyakǝm. 4 Ətsǝu ka nar nda nda hǝtǝ gyal tla ana gam aka hatǝmachi nǝ daɓǝkǝr ngya mǝnakǝ, ana nda zǝkutǝ ǝpu na mal aka sǝr hatǝmachi nǝ sǝ zwazwa. Ka nar nda nda shili na ga'a ingǝ dǝhǝ anǝ Tlakǝ, aka Tlakǝu kwa shili chabiya nda kǝr nyi ǝnya." 5 Kǝl ngǝ nja shili na sǝ ingǝ dǝhǝ ku gwar nya vi Madlǝɓa nǝ Tsǝmdz, wi nda Musa tǝ natǝ natǝ nda, kǝl ngǝ dǝhǝ nji tǝ shili tsǝmtǝdzǝ tǝ ta'i amar Tlakǝu. 6 Kǝl ngǝ tǝ nar nda, "Ma hya nau nǝu biya tsaubar inǝ hya'atǝ tsa Tlakǝ na, sǝlir Hyel kwa shili mbǝla tǝ tǝkǝra hi." 7 Kǝl ngǝ Musa tǝ nar nyi nǝ Haruna, "Zǝbiya lǝhǝdzǝr dzǝgana na, ka shili lǝnda ga'a nǝ sǝpǝla'a ngha ana sǝr hatǝmachi nǝ nginda aka mirga nǝ hǝnda sǝpǝla'a ngha ana sǝpǝla'a nǝ dǝhǝkura nji. 8 Kǝl Haruna tǝ lǝhǝtǝ dzǝgana nda shili, ga tlakǝnyi wulea nǝ zǝr dalǝu aka ga'ar sǝpǝla'a nǝ kǝrnyi. 9 Ngǝ ngulisha'a tǝ shili na nyi mashi nda, ngǝ hau kwar cha cha kwa ga ɓsǝti atǝ tlǝma dzǝgana inda. Ga pǝtǝ hǝyadzǝ mashi nda atǝ sara dzǝngana nda. 10 A yatǝ dzǝgana nda, cha nginda mal, hushi ii, ana mbwa mǝnakǝ nǝ mbǝla, aku sǝr hatǝmachi nǝ sǝpǝla'a nda, wi nda Tlakǝ tǝ nar nyi nǝ Musa. 11 Kǝl ja, hǝyadzǝr kum nda, ana chi, cha nginda na hu'u a biya hir ngakǝu. 12 Ahir nga, Haruna tǝ tlakǝnyi wulea nǝ sǝr shishi aka hatǝmachi nǝ nginda. Ngǝ ngulisha'a nyi tǝ shili na nyi mashi nda, ngǝ uchiti atǝ yimbilia dzǝgana nda. 13 Ngǝ nja shili na nyi mǝdlǝ mǝdlǝ nǝ sǝr shish nda, dǝhǝ ka kǝr, ngǝ nginda mǝdlǝ inda kǝr zhang kǝr zhang a kyatǝ dzǝgana nda. 14 Tǝma ngǝ cha chanda hali ana ngilang, ga nginda nda dǝhǝ kyatǝ dzǝgana, cha ɗa ka hatǝmachi nǝ nginda. 15 Ahir nga Haruna tǝ lǝnda tǝmachi aka nji. Cha tlakǝr wulea tǝkǝra bura nji nda, ga lǝnda aka sǝr hatǝmachi nǝ sǝpǝla'a kǝnda, wi nda ɗaka mǝra aka kǝrnyi. 16 Tǝma ngǝ cha shili na sǝr hatǝmachi nǝ nginda, ga lǝnda wi nda tsaubar tǝ na. 17 Əngǝ tsǝu cha shili na ga'ar sǝ zwazwa, ngǝ cha tasǝ zau chi ga nginda kyatǝ dzǝgana, tsa'a na sǝr hatǝmachi nginda nda njo maka mǝr mbudla. 18 Ahir nga kǝl Haruna tǝ tlakǝnyi wulea nǝ gyal tla ana gam nda aka sǝr hatǝmachi nǝ ɓatlǝ ngya mǝnakǝ nǝ dǝhǝ nji. Kǝl ngǝ ngulisha'a nyi tǝ shili na yi mashi nda, kǝl ngǝ cha uchiti tǝ yimbila dzǝgana nda. 19 Kǝl ngǝ cha hǝtǝ mal tla nda ana nǝ gam nda, ana mal nda kyo shi'u ana nǝ hali, tsa'a na hushi inda ana mbwa mǝnakǝ nda tǝ mbǝla. 20 Cha fǝtǝ mal ingǝ d;uhǝ a kyatǝ hatla sǝr shishi inda, ga nginda mal nda a kyatǝ dzǝgana nda. 21 Hatla cha ana eah nǝ chisǝm cha lǝnda aka sǝr hatǝmachi a tǝwa hari shi huɗamǝllǝm anǝ Tlakǝu, wi nda Musa tǝ na. 22 Ahir nda Haruna tǝ wurandǝ hatǝmachi nǝ chinda sǝpǝla'a, ana nǝ nginda, ana nǝ ɓatlǝu ngya mǝnakǝ, kǝl ngǝ cha hǝtǝ cha cha ga fǝkǝnyi papa'akur nǝ nji. Ahir nga ngǝ cha sǝya tanyi kyatǝ dzǝgana nda. 23 Tǝma ngǝ ka Musa ana Haruna tǝ gwata nda ku Madlǝɓa nǝ Tsǝmǝdza. Ahir nda nda zǝbiya, ngǝ nda ɓǝla sǝkǝnyi papa'akur nǝ nji sǝkǝu, kǝl ngǝ sǝlir Tlakǝ tǝ mbǝl sǝya tǝkǝra nji dǝhǝu. 24 Ngǝ hu'u tǝ sǝya hya'atǝ kyada Tlakǝu ga nginda sǝr hatǝmachi inda, ana mal nda kyatǝ dzǝgana nda. Ahir nda nji tǝ la'a ǝnga, kǝl ngǝ nda pǝ kurakǝu ga dla tsǝup na nya sǝya hu'i.