Hatəmachi nə Daɓkər
3
1 Sakanda ndǝ kwa shili na hatǝmachi na ɓatlǝ ngya aku dangal tla nyi, kǝl cha shili na gyal ndara mala tla nda kǝra tyakǝm amar Yahwe. 2 Ko fǝkǝr cha ka tǝkǝra sǝr shishi nda ko shili ni ka hatǝmachi nda, ahir nga njo tlakǝr wulea tǝ kǝri tang ku gwar nyavi nǝ madlǝɓa daɓǝdza. Ngulisha'a shili nǝ Haruna inda pərist kwa uchiti mashi nda tǝ dǝhǝ badlarma dzǝgana nda. 3 Aku nǝna hatǝmachi nǝ ɓatlǝ ngya, janǝ sǝnda pərist kwa lǝtǝ aka hatǝmachi nda cho nginda na hu'u ana Yahweh, mal nda tǝkǝra halia sǝr shishi nda, ana nda hali nda tǝ mbuya, 4 hushi mǝtlǝ ana mal nda dzǝnda, ana mbwa mǝnakǝ nǝ mbǝla, njo hǝbiya tsa'ana hushi mǝtlǝ inga. 5 Kǝl ba ngulisha'a shili nǝ Haruna nginda sǝ'inga kyatǝ dzǝgana tsa'a na hatǝmachi nǝ nginda nda kyatǝ kǝra shilǝu. Nacha ngǝ hatǝmachi nda nja lǝnda tǝwa hu'u, nda kwa shu'ni kwitkwit nǝ Tlakǝu Yahweh. 6 Macha aku chaɓi kǝtǝng ndara ku shishi ngǝ ndǝ tǝ shili na sǝr hatǝmachi nǝ ɓatlǝ ngya mǝnakǝu nǝ Tlakǝu, kǝl ba cha lǝtǝ sal ndara mala nda kǝra tyakǝm. 7 Macha bal'ua cha shili ni aka hatǝmachi, kǝl ba cha lǝnda amar Tlakǝu, 8 cho fǝkǝr chi tǝkǝra bal'ua nda cho lǝnda ka hatǝmachi nda.Kǝl ba cha tlakǝr wulea tǝkǝri aku gwar nyavi Madlǝɓa nǝ dabza. Nguli shili nǝ Haruna kwa uchiti mashi tǝ yimbilia dzǝgana nda. 9 Aku sǝr hatǝmachi nǝ ɓatlǝ ngya mǝnakǝu, janǝ sǝnda njo lǝnda, nacha ngǝ sǝr hatǝmachi nda nja nginda nǝ Tlakǝu, zumur shiu nda njo tlanda lǝhǝ dzǝr dazang, ana mal nda tǝ halia sǝr shishi nda, ana nda hali tǝ mbunda, 10 ana hushi tsa'a mǝtlǝ inda dzǝri, ana mbwa mǝnakǝu nǝ mbǝla, inda cho hǝbiya tsa'ana hushi. 11 Pərist nda kwa sǝ'inga kyatǝ dzǝgana wi ngǝ hatǝmachi na sǝrsum, hatǝmachi nǝ nginda nja lǝnda nǝ Tlakǝu. 12 Macha shili na ku aka sǝr hatǝmachi nyi, kǝl ba cha lǝnda nyi amar Tlakǝu, 13 cho fǝkǝr cha cha kyatǝ kǝra ku. Kǝl ba cha tlakǝr wulea kǝri tang ku gwar nyavi nǝ Madlǝɓa nǝ daɓǝdza. Ngulisha'a shili nǝ Haruna kwa uchiti mashi nyi tǝ kala yimbilya dzǝgana nda. 14 Aku nǝna sǝr hatǝmachi janǝ sǝnda njo lǝnda, nacha ngǝ hatǝmachi nda nja lǝnda tǝwa hu'u nǝ Tlakǝu, mal nda tǝkǝra halia sǝr shishi nda, ana nda hali tǝ mbunda, 15 ana hushi mǝtlǝ ana mal nda tǝ kǝra nda, ana mbwa nda tǝ ndiya na mǝnakǝu tǝ mbǝla, inda cho hǝbiya tsa'ana hushi nda. 16 Pərist nda kwa nginda sǝ'inga a kyatǝ dzǝgna wi ngǝ tǝ hatǝmachi nǝ sǝrsum nda nja na hu'u, hatǝmachi nda kwa shu'ni kwitkwit nǝ Tlakǝu. Dǝhǝ mal nǝ Tlakǝ nga. 17 <<Ngwa ba ɗǝ mal ndara mashi pa'a wa. Nacha ngǝ tsaubar nda ba'anawa anǝ hi, tsa'a nǝ nyandǝla hi, tǝ dǝhǝ mbwa nda hyo gyati. >>