Nyandəla Isuwa
36
1 Janə nyandəla Isuwa (nacha ngə, Edom).2 Isuwa tə hə mala ku pama mahi'i Kan'ana, tləm nyi Adah kwar Elon ndər Hiti, ana Oholibama kwar Anah ajinya Zibiyon ndər Hivi, 3 ana Besmat kwar Isma'ila, kwamənya Nebayot.
4 Adah tə yiyah nyi Elifaz nə Isuwa, Besmat tsə'u tə yah Reyuwel, 5 ana Oholibama tə yah Jewush, Jalam ana Kora. Na nda ingə nguli shili Isuwa, nda nja ya vu Kan'ana.
6 Ngə Isuwa tə fa'atə mahi'i nyi, ana nguli shili nyi ana dəhə njir ki nyi, ana sərshishi nyi ana dəhə alenya sərshishi nyi, ana dəhə kar nda cha uya vu Kan'ana, ga ma'i tanyi kyatə vanya hə'i naɗə tsa zamə nyi Jakop. 7 Aka gəna kənda 'ual gagaɗa nda a mbwa nda do nji nda wa, aka sərshishi kənda ɗanghə gagaɗa, a tsə'u ndo nau ngya tə mbwar zhang wa. 8 Aka ənga, Isuwa (nacha ngə, Edom) tə yi ngya tə hə'i dəgəl Seyir.
9 Nənnə ngə nyandəla Isuwa adanya njir Edom tə hə'i dəgəl Seyir.
10 Janə tləmər nguli shili Isuwa,
Elifaz, tləmər ama nyi Adah, ana Ruwel, tləmər ama nyi Besmat.
11 Janə nguli shili Elifaz,
Teman, Omar, Zefo, Gatam ana Kenaz.
12 Kwatəra da tsa Elifaz zər Isuwa ana tləmə nyi Timna, nda tə yiyah nyi Amalek. Na nda ingə ajinya Adah mala Isuwa.
13 Ja'inə nguli shili Ruwel,
Nahat, Zera, Shammah ana Mizza, na nda ingə ajinya Besmat mala Isuwa.
14 Ja'inə nguli shili Oholibama kwar Anah ajinya Zibiyon, inda cha yiyah nyi nə Isuwa,
Jush, Jalam ana Kora.
15 Inənnə ngə nyavi inda tə biya ku nyandəla Isuwa,
Elifaz zə'ualə Isuwa nacha ngə jivalnya nyavi,
17 Ruwel zər Isuwa ngə jivalnya
Nahat, Zera, Shamma ana Mizza. Dəhə nda, nyandəla Besmat mala Isuwa inga.
18 Jivalnya Oholibama kwar Anah mala Isuwa tsəu, na nda ingə,
Jush, Jalam ana Kora.
19 Dəhə nda inga, nguli shili Isuwa inga, (nacha ngə, Edom),
Nyandəla Seyir.
20 Inənnə ngə nguli shili Seyir ndər Horit, nda na ngya tə hə'i,
Lotan, Shobal, Zibiyon, Anah, 21 Dishon, Eza ana Dishan. Nanda ingə jivalnya Seyir inda na ngya vu Edom.
22 Lotan nacha ngə jivalnya nyavi
Hori ana Heman. Kwamənya Lotan da na tləmə nyi Timna.
23 Shobal ngə jivalnya nyavi
Alvan, Manahat, Ebal, Shefo ana Onam.
24 Nguli shili Zibiyon tsa'amətləu,
Ayyah ana Anah. Nacha nda Anah nda tə uya tsədzəɗə ɓiti kwakwaɗə tə dadil takə tə mbwar ki ɓəla kwara ada nyi Zibiyon nda.
25 Nguli Anah tsa'a mətləu, nanda ingə
Dishon ana Oholibama.
26 Nguli shili Dishon nanda ingə,
Hemdan, Eshban, Itran ana Keran.
27 Nguli shili Eza, nanda ingə
Bilhan, Zaavan ana Akan.
28 Nguli shili Dishan nanda ingə,
Uz ana Aran.
29 Nyavi njir Horit, ku hə'i Edom, na nda ingə
Təl inda tə Səm Təlkur tə Hə'i Edom
31 Ja'inə nji'inda tə səm təlkur tə hə'i Edom təvi njir Isra'ila səm təlkur,
32 Bela zər Beyor tə ɗa ka təl Edom. Ngə nja nga mələm nyi Dinhaba.
33 Ngə Bela tə tah, ngə Jobab zər Zera ndər Bozra tə gwa ku dzəga təlkur.
34 Manda Jobab tə tah, ngə Husham ndər hə'i Temna tə gwa ku dzəga təlkur.
35 Nda Husham tə tah, ngə Hadad zər Bedad, ndə nda tə panda Midiya ga kura mələm Mowab, nacha ngə tə gwa ku dzəga təlkur. Ngə nja fəndzə nyi tləm nə mələm nyi Avit.
36 Manda Hadad tə tah, ngə Samla hya'atə vu Masreka tu gwa ku dzəga təlkur.
37 Manda Samla tə tah, ngə Shawul ndər Rehobot vu Fa'a Yufəritis tə gwa ku dzəga təlkur.
38 Manda Shaul tə tah, ngə Baal Hanan zər Akbor tə gwa ku dzəga təlkur.
39 Nda Baal Hanan zər Akbor tə tah, Hadad tə gwa ku dzəga təlkur. Ngə nja fəndzə nyi tləm ne mələm nyi Pau, ana tləmər mala nyi Mehetabel kwar Matred, kwar Mezahab.
40 Isuwa ngə jivalnya nyandəla nji inənna,
Isuwa ngə jivalnya nyandəla njir Edom, wi nda nda ngya tə hə'i kənda.