Nyandəla Nguli Shili Nuhu
10
1 Janə nyandəla Shem, Ham ana Jafet, nguli shili Nuhu, na nda tsə'u ahir mandza nda nda yiyah ngulisha'a.Nyandəla Jafet.
2 Ngulisha'a Jafet, nanda ingə
Gomer, Magog, Madai, Javan, Tubal, Meshek ana Tiras.
3 Nguli shili Gomer nanda ingə
Ashkənaz, Rifat ana Togarma.
4 Nguli shili Javan nanda ingə
Elisha, Tarshish, Kitim ana Rodanim. 5 Nanda ingə jivalnya nji'inda tə ngya nya fa'a ana a tə hə'i nda dəl tə ɓandi. Nanda ingə nyandəla Jafet inda tə ngya ka chuli ka chuli a tə hə'i pampaməu, kala nji na nya kənda, ana nyavi kənda.
Nya ndəla Ham.
6 Nguli shili Ham nanda ingə
Kush, Masar, Put ana Kan'ana.
7 Nyandəla nguli shili Kush nanda ingə
Seba, Havila, Sabta, Ra'ama ana Sabteka. Nguli shili Ra'ama nanda ingə Sheba ana Dedan.
8 Kush tə yah Nimrod. Nimrod ngə ndə nda tə həa ga ɗa ka tangərmar ndə nda ndiya na nau pa tə dunəya. 9 Məzəmakə cha a mar Tlakəu, nacha gwa'atə nji kwa na, <<Wi Nimrod, məzəmakə kwalkwalə mar Tlakəu.>> 10 Tangərmar dzəga təlkurnyi vu Babila, Erek ana Akad, dəhə tə hə'i Shinar. 11 Fwatə tə hə'i nda cha təra ya tə Asuriya ga yi hərtə hə'i Neneva, Rəhobot Ir, Kala, 12 ana Resen, nda ku pama Neneva ana Kala mələm dəgal.
13 Masar ngə jivalnya
15 Kan'ana ngə adanya
Sidon zə'uwalə nyi, ana njir Hiti, 16 Jebusi, Amori, Girgash, 17 Hivi, Arki, Sin, 18 Arvadi, Zemari, Hamati.
Kan'ana tə biyama na həa ga wiɗətədza, 19 ɓəlkər hə'i Kan'ana tə hya'atə vu Sidon bətə yi Gerar kwa'a vu Gaza, ana tsə'u tsa'a vu Sodom, ana Gomora, ana Adma ana Zeboyim shipat biya Lasha.
20 Janə nguli shili Ham inda tə ngya ka chuli ka chuli a tə hə'i pampaməu, kala nji na nya kənda, ana nyavi kənda.
Nyandəla Shem
21 Nja yiyah nyi nguli shili nə Shem ndə nda Jafet dəgal matsa cha, Shem ngə jivalnya dəhə nguli shili nə Eber.
22 Nguli shili Shem nanda ingə
Elam, Ashur, Arfakshad, Lud ana Aram.
23 Nyandəla Aram nanda ingə
Uz, Hul, Geter, ana Mash.
24 Arfakshad tə yah Shela,
Shela tsə'u tə yah Eber.
25 Ebər tə yah nguli shili mətləu,
zhang tləm nyi Peleg, ku bəji nyi ngə nja wiɗənda njir dunəya, tləmər zamə nyi Joktan.
26 Joktan tə yah
Almodad, Shelef, Hazarmavet, Jera, 27 Hadoram, Uzal, Dikla, 28 Obal, Abimayel, Sheba, 29 Ofir, Havila, Jobab. Dəhə nguli shili Joktan inga.
30 Mətla hə'i nda nda na ngyatə tə ghəya fwatə vu Mesha tsa'a vu Sefar, mətla dəgəl təwa zədərpəchi.
31 Ja'inə nguli shili Shem inda tə ngya ka chuli ka chuli a tə hə'i pampaməu, kala nji na nya kənda, ana nyavi kənda.
32 Ja'inə nyandəla Nuhu, təwa təkəɗəkura chuli kənda ana nyavi kənda, təwanə nda ngə nji tə yatəkər ga wiɗətədzə tə dunəya ahir mandza nda.