Nyandəla Adamu
5
1 Nənna nacha ngə nyandəla Adamu.Nda Hyel tə mər ndəu, cha ɓatlətə nda pabiya da Hyel. 2 Cha ɓatlə nda sal ana mala ga səkənda papa'akur. Aku bəji nda cha ɓatlə nda, cha fəndzə nda tləm, <<ndəu.>>
3 Nda Adamu tə fa 130, cha yiyah zər wi kərnyi, pabiya da kərnyi ga fəndzə nyi tləm Set. 4 Nda nja yah Set, Adamu tə fa 800 ga ya alenya ngulisha'a shili ka mahi'i. 5 Dəhə dəhə, fa Adamu, 930, ngə cha tah.
6 Nda Set tə fa 105 cha ɗa ka adanya Enosh. 7 Ahir cha yah Enosh, ngə cha fa 807, ga yiyah alenya ngulisha'a, shili ka mahi'i. 8 Dəhə dəhə fa Set 912 ngə cha tah.
9 Nda Enosh tə fa 90, cha yah Kenan. 10 Ahir cha yah Kenan, Enosh tə fa 815 ga yah alenya ngulisha'a shili ka mahi'i. 11 Dəhə dəhə fa Enosh 905 ngə cha tah.
12 Nda Kenan tə fa 70, cha yah Mahalalel. 13 Ahir cha yah Mahalalel, Kenan tə fa 840 ga yah alenya ngulisha'a shili ka mahi'i. 14 Dəhə dəhə fa Kenan 910 ngə cha tah.
15 Nda Mahalalel tə fa 65 cha yah Jared. 16 Ahir cha yah Jared, Mahalalel tə fa 830 ga yah alenya ngulisha'a, shili ka mahi'i. 17 Dəhə dəhə fa Mahalalel 895, ngə cha tah.
18 Nda Jared tə fa 162, cha yah Enok. 19 Ahir cha yah Enok, Jared tə fa 800 ga yah alenya ngulisha'a shili ka mahi'i. 20 Dəhə dəhə fa Jared 962, ngə cha tah.
21 Nda Enok tə fa 65, cha yah Metusela. 22 Ahir cha yah Metusela, Enok tə ma'i tsa'a na Hyel, fa 300 ga yah alenya ngulisha'a shili ka mahi'i. 23 Dəhə dəhə fa Enok 365. 24 Enok tə ma'i tsa'a na Hyel, ngə a nji da ɓəla la'a nyi wa, aka Hyel tə hənda nyi.
25 Nda Metusela tə fa 187, cha yah Lamek. 26 Ahir cha yah Lamek, Metusela tə fa 782 ga yah alenya ngulisha'a, shili ka mahi'i. 27 Dəhə dəhə fa Metusela 969, ngə cha tah.
28 Nda Lamek tə fa 182 cha yah zərsal. 29 Lamek tə fəndzə nyi tləm Nuhu, cha na, <<Cho shili na mən ɓəlsar tsa ɓwaɓwatər zwa tə hə'i nə Tlakə tə shi'unda na.>> 30 Ahir nja yah Nuhu, Lamek tə fa 595 ga yah alenya ngulisha'a, shili ka mahi'i. 31 Dəhə dəhə fa Lamek 777, ngə cha tah.
32 Nda Nuhu tə fa 500, cha yah ka Shem, Ham ba'a Jefet.