11
1 Kəl ngə Shangəɗ tə hətəɗa shi ga shilnaya nyaki mbwa'al Hyel nda təwa zədər pichi. atang nda anyaki gwa janə nji tlekumunyi tarnya təfwu, ya ku pama nji inda ya la'a Ya'azaniya zər Azzur ana Pelatiah zər Benaiah, ndər nəuna nji.2 Tlakəu təna nar ɗa, zər ndəu, nji ɨna na nda ngə kwa tləka ɗimkur ana kwa shakər nji a ku mələm.3 Na nda ingə nji'inda kwa na,'bijir hərki da ta ɗa gwadagəwa. Mələm na təm bwa kumna ya namən ngə kum kumnyi.'4 Aka ənga nakə zər ndəu, mər mətakər təkəra nji ina!5 Kəl ngə Shanguɗ Tlakə tə səya tə kəraya, əngə cha na ya na: Jan sənda Tlakə təna ya narnyan njir Isra'ila, nahi njir Isra'ila mingə hya kwana, a zəntəya sənda hyo na.6 A kuɗnda təhi nji ɗanghə ku mələm na, a nyan təhi ta mələm na dza nji kuɗ kuɗa.7 "Aka ənga jan sə nda Tlakə ndər gyalkur təna; Dza nji kuɗkuɗə ngə hya pənda inga na nda ngə kum nda ya mələm na nacha ngə təm, amma ja yo gətləbihi a kwa.8 Tlakəu ndər gyalkur təna, "hyo ləvər katsakər ya ana katsakər yo shil tə kərahi."9 Yo gətləbiyahi a biya tiya mələm na ana yo nənyi gyalkur nə nji shilshili atə kərahi, nji nda kwa tlanda nəumaɗa tə kərahi.10 Hya kwa kuɗəna katsakər, ya kwa tlandhi nəuma tsa'a yatə ɓəlkər hə'i njir Isra'ila, aka əngə hyo zəndi ənda naya ngə Tlakə təkəra hi.11 Mələm na ada cho ɗaka təm nəhi wa, ya ada hyo ɗaka kum a kwa wa. Yo tlanda hi nəuma tsa'a yatə ɓəlkər hə'i njir Isra'ila.12 Aka ənga hyo zəndi ənda naya ngə Hyel Tlakə nda hya ngyar nəbiya tsaubarnyi. ya ada mər ma'i wi sə nda gadlagadla jiri kwa'i wa, atə vira ənga hya nəu tsabar nə nji'inda tə ɓanhi."13 Saka ndo ya pə mətakər nə ti, Felatya zər Benaya tə dla ga tah. kəl ngə ya dla na huɗmaya səya ka hə'i, ngə ya na na kurak banghəu, yo na, Na kə Hyel Tlakəu, ko ɗəmnda həya dzər njir Isra'ila dəhə ya?"14 Kəl ngə Hyel Tlakə təna na ənda ya,15 "Nakə zər ndəu, ka zaməngə16 Aka ənga ja, jan sə nda Hyel ndər gyalkur tə na, bada ngə ya təra na nda kya hə'i nnaɗəu, ya winda nda ku pama hə'i i i , dəhə ka ənga ya ɗaka vi karti nənda ka biji kushiu atə hə'i nda nda təra kya kwa.'17 Ahir nacha nga ka nar nda, jan sənda Hyel ndər gyalkur təna: Yo ɓəla tsəmtə hi ku mələm inga a shiltə hə'ingə ja winda hi ku pama nda nga, ana yo nəhi hə'i Isra'ila səkəu.'18 "A hir ma nda ɓəl yatə hə'i kənda ndo təkəna dəhə sə hiɗa hida sə wi katəu'i.19 Y o nənda ɗəfu kəla təkəbiya dza ya yo fuwu taɗər shangəɗ ku nda; Yo həbiya ɗəfu mangu yo fu nda ɗəfu nə kum.20 Aka ənga ndo nəu tsaubar ɗa ndo ɗana hakiləu ana ɓatə gadlagadla ɗa'i. Ndo ɗaka nawa nji naya tsəu yo ɗaka Hyel kənda.21 Amma a nə nji nda tə hətə ɗəfwa nda ga nənyi nə sə wi gatəu ɗimi'i, yo shilna nə təkəra nda dəhə sənda məra, ənwa də Hyel ndər gyalkur.22 Kəl ngə sər pi'inda, ana hir charkaina'inda tə yimbəlya nda inda, tə wunda babkanda ngə həsəlir Hyel nə njir Isra'ila a ɗa kyatəkəra nda.23 Həsəlir Hyel nda tə təra gya kəra mələm nda ga ta'i kyatə kəra mah təwa zədər pichi.24 Ngəshangəɗə tə hətə ɗa ga təra naya yatə hə'i Babila aku shanguɗ nda Hyel tə sah. Ana əngə shanguɗ nda tə təra dzə ɗa25 əngə ya narnyi nji kwa mər mavakur inda dəhə sənda Hyel Tlakə tə char ɗa.