9
1 Aku shanguɗəu nda tsəu, ya ngati Hyell kwa nga ana banghər kurakəu, kwa na, "tsatə madzə shili ləhəu, na hi njir mərtnyi nəuman nji, kala ndə na kar panyi aku chacha."2 A nə nji kwa tə biya ku nyavi mbwa'al Hyel nda tə nda tə ndye kartikur təwa zədərpichi, kala ndə ku pamanda ana kar panyi ku chacha. Atə adá vanya ndə daatə ta'i ana sərtul dzənyi, ana sər tsəf tsəu hak da wulyacha, kəl ngə nda gwa, nda ta'i atəbadlarma təmbəl hətəmachi gəlas nda.3 Sakanga nda həsəli nə Hyel njir Isəra'ila təra a hyamar sə pipi nda na bapkəu, atanghə nda ndati ɗəɗəm, a təra nyavi mbwa'al Hyel, kəl Tlakəu tə nga ndə na karsər tula nda na sər tsif tə patləkacha.4 Nghə Hyel təna, nəu tahə mələm Urshalima, ka ka tətə ba'ada ku nyama nji nda kwa mər huɗatlana dəhə sər həɗ nda nja kwa mər ku mələm.5 Ana winda yo səhimi, ya ngati cho na nə alyanyi, " nəunnyi ma tahə mələm ya kuɗnda, adana təhuɗ wa ya adana sələm kuli wa.6 Hya kuɗnda nji halhala, ana ngultlakala, ana mahi'i ba'a ngul shiɗidəu, kəl ja ngwa hya tsikar njinda na ba'ada ku nyama nda wa. Hya ghəyatə mbwa karti ɗa." Kəl nda ghəya na njira 'wa'wa'a njinda amar mbwa'alə Hyel.7 Ana əngə chana, "hya mərtə mbwa'alə sə hiɗahiɗa hya nyandinyi na dzanji kuɗkuɗa, ma'ima!" Kəl ngənda təra ga ghəyana kuɗ nji ku mələm.8 Winda ndo kuɗ nji ngə nji ngyaɗa zhangtaɗa, ya kwa tiwi ana huɗmaya a səya ka hə'i, Mmh, Hyel Tlakəu! Sakan ko kuɗnda dəhə nji ndatə həyadza aka ngam kwakwaɗ kura huɗatlangha təkəra Urshalima?9 Cha wumtiɗa gana, "Bikənjir Isra'ila na Yahuda ɗatə 'waləu; mələm nyatə dzəna pənda mashi ya mələm nyatə dzəna tarjirkur. Ndakwa na, "Tlakə təkətəna hə'i kənya; atsəu Tlakə da kwa la'a 'yawa."10 Naya na'a a do nga təhuɗ badaɗawa wa ya ada yo ngyar kalawa wa, kəl ja yo pəkə nda huɗa tlaɗa məlməl na sənda nda tə məra."11 Kəl ngə ndə nda na sər tul dzənyi, ndə nda tsəu na sər tsəf tə yimblyacha, tə wumti gana, "a wurantiya sə'inda ka tsauɗa bar ya məra."