8
1 Ana ənga aku hya kwah nə fah kwah, atə ngya ya tsa'a ka njira'wa'wa njir Yahuda amaɗa, kə ngə gyalgur Hyel tə səya təkəraya.2 Aku bijinda yo ndzəm ti, kəl ngə sə wi ana dzə winə ndəu. ghəyati sara sənda səka hyacha wi ngətə hu'u, ətsəu ghəya tə saracha gyaka kəracha wi ngətə gəlas mbəl mbəl nda nja kəkəɗ nda kwa mbəlla.3 Kəl ngə hasə wi cha ndəu ga gəzəyaɗa tə shishiɗa. Shanguɗ tsəu tə hətəɗa shashal tsa hə'i. ngəcha ma'inaya ku shanguɗ tlakəu yi Urshalima, cha nunaya təwa lakur ku mbo'al Hyel təwa zədər pichi, mbwa nda sər hya'a ndahuɗ Hyel na ngya.4 Kəl njan mbəlmbələr huɗa Hyel nə njir Isəra'ila tangə nda, wi ngəte shaguɗ Hyel nda ya la'a aku dlələm.5 Ngə Hyel tə narɗa, "Na kə Izəkiel, zər ndəu,har lyaka ka dzam təwa zədər pichi, a tangəda ya la'a sə nda kwa hya'a huɗa tla Hyel a nya vi gwaku təmbəl hətəmachi təwa zədər pichi.6 Ngə cha tsəu, sakan ja ya kwa la'akə sər həɗə nda ki njir Isəra'ila kwa mər tan nə ya? Nda kwa mər ənga aka ga nda gədlənda ya ɗa naɗə tsa mbar karti, əngə ta nyi ko la'a sə həɗə 'wa'wa'a nda tə ndye inga."7 Ngə cha yi naɗa yanya laku gu kinyi, aku biji nda yo dzamtə, kəl ngə ya la'a ka'u ku dza vi nda.8 Əngə cha nar ɗa, "Na kə zər ndəu, la dza vi nga, kəl njan nya vi.9 Ma'i gwakwa ka la'a sər həɗə nda nda kwa məra tana.10 Ngə ya gwa kəl ya la'a sər təɗə natah nja təti pampaməu, ana kumur takə pampaməu sər həɗə i, ana dəhə sər katə njir Isəra'ila nda nja təti pampaməu ba'amani atəkəra təmbəl hətəmachi nda.11 A manda njan njira 'wa'wa'a nə njir Isəra'ila təta'i amanda. Atə ada ku pamanda tsəu 'Ya'azaniya zər shafan təcha ta'iu. Kala ndəu ku huɗa njira 'wa'wa inda tətab na təre nə shi'uni kut kutiu aku chanda, 'yar sər shi'uni nda kwa hya'ati shi huɗa mələm.12 Kəl ngə cha nar ɗar ɗa, nakə zər ndəu, kwa la'a kə sə nda njira 'wa'wa nə njir Isəra'ila kwa mər tə kutla wa? Kala ndə da kəran sər gatə tsacha wa. Aka nda kwana inda Hyel da kwa la'a ;ya wa, Hyel təkətəna hə'i kə 'ya."13 Əngə cha nar ɗa tsəu, ba'a ka ənga ko la'a sər həɗə nda ndya nga nda nda kwa məra.14 Əngə cha yi naya təwa nya vi gwa ku ki Hyel təwa zədər pichi, Ngə la'a mahi'i kwa tiwi tə ngya aka katə na Tammuz.15 Kəl ngə cha narɗa, "Na kə zər ndəu, la'atəkə sə nən nan? Tsəu ka ənga ko la'a sər həɗə nda tə ndya nga."16 Cha yi na ya gwa ku ki Hyel. A ku nda, a yavi gwaku mbwaləu Hyel aku pama təmbəl and cham, ya la'a nji mətləkuyi tar nya təfəu. Nda shar nyi dagəryi nə mbwa'ləu Hyel, huɗmanda kwa dzam zədər pichi nda kwa uzhi səya ka hə'i nda kwa hə səli nə pichi.17 Ana ənga, cha nar ɗa, "nakə zər ndəu, kwa la'akə nən nan? ku la'anə, kushir sə'ingə ki njir yahuda kwa mər sər həɗə 'i 'i atang na?jan nda kwa bugu chi a ma ɗa.18 Aka ənga, yo mərtə nda nəuma ana huɗatla, naya ayo ngyar va'nya ndəwa, bada nda hya'andi kuraku nda kwa tiwi aku himaya, ayo ngati təhuɗ kənda wa."