7
1 Ɓwanya Tlakəu tə natəu ɗa:2 Zər dəu, jan sənda Tlaəu ndər gyalkur təna nəu njir Isərala'ila:Udenyi! udenyi shilti nə ngum fwaɗəu nə hə'i.3 Udenyi a ɗatə təkəra hi ana yo fəkəhi huɗatlaɗa təkərahi. Yo mərtəhi nəuma təkəra sənda hya məra and yo kindahi a təkəra dəhə sə ɗim nda hya məra.4 Adayo dzamhi na təhuɗəu wa awu ya gəgakəhigwa:jiri yo kindahi sənda mərhi and sə ɗimi da mərhi. Ana ənga hyo zəndi ənda naya ngə Tlakəu.5 "Janə sənda Tlakə ndər gyalkur təna, təmachi atəkəra təmachi! Chulkə təmachi nda pa'a nja ta ngati kwa shili!6 Udenyi shilti! Udenyi! A shilti cho kuɗənda hi.7 Kuɗəkəhi ɗati, nahi nda na ngya tə hə'i. Bəja gəlati, bəja ɗati ləhəu; sər ləvəra, a hirgyaɗi da wa atəkəra mə'i wa.8 A nə yo pəkəhi huɗa tlaɗa təkəra hi; yo mətəhi nəuma təkəra səɗim da mərhi, yo kinda dəhə səɗi kəhi.9 A da yo dzamhi na təhuɗəu wa ya ada yo gəgakəhigwa wa. Yo kindahi tsa tsana chulkə ngya kəhi. Ana əngə hyo zəndə biya ənda naya ngə Tlakəu nda kwa təɗəhima hi.10 "Biji nda ɗati. A shilti. kuɗa a ti, Ɗimkur ji and həkər kənda a tləti.11 Moli a hətə ga ɗaka zəwa təɗə himi; a badaɗa zang da kwa mbəɗəwa, a da ku huɗa dlama nji, a da gəna wa, a da sə mənak wa.12 Biji ɗati, pəchi nda shilti. Əngwa ndər ɗəla mər hirgyaɗi wa ya a da ndər ɗəlanda mər huɗatla wa, aka huɗatla ɗati təkra dlama nji dəhəu.13 Ndər ɗəlnda do ɓəlan hə'inyi nda cha ɗəlnda wa macha tsa'a kyanda tsəutanda na pi, aka takər atə kəra dlama nji nda ado ɓəlan dzəwa. Aka səpəla kənda, a da badaɗa zang kuhuɗanda kwa həya dzə na pi wa.14 Ba nda mbə papam aka nda ɓatləya se tsatsa'a, a bada ndə zang da kwa biya a ki dla'a, aka huɗatlaɗa 'wal cha təkəra dlama nji'i nda.15 "Abiyakatsakər, a kwá təmachi ba'a huɓwa; nji nda ku hə'i nda kwa kuɗə na katsakər, ba'a njinda ku ta mələm huɓwa ba'a təmachi kwa ndasəya nda.16 Dəhə nji nda tə mbəɗa ga ɗana pi nda kwa təra gyo má, nda sə'i ngwa wi mbətla nə ta dakəu, bada ɗa zang a ka səpəla kə nda.17 Kala chi kwa kuɗa, ana undyenda kwa ɗa kəla dunama wi ɓiti.18 Ndo pəndzə guzal guzal ana ləvər kwa zalyanda. Huɗəmanda kwa haɗə dzə na kuzhi ba'a kəranda kwa sənda dza.19 Nda kwa pətə sə mbəl mbəl kənda tə laku, ana bəjingha kənda a da kwa dləwuya nda aku bijir huɗa ltar Tlakə wa. A ndo mbar chiya huɓu ku tanda wa, aka a mər tənda nda tləhi tə səpəla'a.20 Nda ɗa na həkər tə kəra durdur kura sər ɓatlə kənda'i nda tə gwa'ati nda mər katə ɗimi ana shanguɗa səkəra sakida'i. Aka ənga yo shandi sə;iga aka sə kəra karti a nənda.21 Yo nə nyi kar kənda nə mihiɓi, ətsəu yo mərti kar kənda sər məkwafa a nə nji ɗimi, ya ndo mərtənyi kəla sakida.22 Yo hənda huɗəmaya tsanda, njo mərtə mba'ai ɗa kəra karti. Nji kra hakil'u ndo gwa ndo mər sə kəla sakida nyi.23 "Ɓatlaya dzəralyang, aka hə'i a nyantə dzəna pənda mashi ya mələm yan tə dzə na mwali.24 Yo shilna nji nda ndiya mər ɗimkur təhə'i nda kwa fəya kikənda'i; yo ta'i ndi njir dunama nda kwa həkər, vi pətlənya kənda kwa ɗana kwaɗa na kəra sakida.25 Ma sər ləvər tə ɗa, ndo gwa'a piyar ɗəfəu, ya a da ndo uya wa.26 Təmachi tə kəra təmachi kwa shili, ana əngwa, əngwa tə kəra əngwa əngwa, ndo mər ənda ɗana uya takər tsa njir məta kər; dlədləb nə nji hətəmachi kwa sá tanyi, wi ngətə jigadəmar njira 'wa'wa'a.27 Təl kwa mər sə'ingwa, zər təl kwa ɗana kəra fəkər, chanji mələm kwa dzə dzəi. Yo mər na nda tsatsa'a na chulkə ngya nda do ngya, ya ana sə nda məranda yo mərtə nda nəuma. Aka ənga ndo zəndi ənda naya ngə Tlakəu."