6
1 Kəl ngə ɓwanya Hyel tə shil da ya ga na,2 "Zər ndəu, sər ka hya'andi huɗumakə tandar yatə kəra kəram Isra'ila; ka pətlənya təkəra sə ndo ɗa na da.3 Ka na, 'Nahi jira 'wa'wa Isa'ila səyama himi da ɓwanya Tlakəu ndər gyalkur. Janə sənda Tlakəu ndər gyalkur kwa na nə 'wa'war kərama ana shiɗiɗinyi ana 'wa'war dəl ana muhu ɓiti. Jan yo shilna katsakər təkra hi, yo sə'wandi mbwa həsəli kəhi.4 Mbwar hətəmachi kəhi njo wazənda and mbwar ngi səkwitkwit kəhi. Yo kuɗnda alyan ji ku pama hi nda dla amar kat kənda.5 Yo pənda dza nji kuɗkuɗ Isara'ila a mar kat kənda. Ətsu yo widnda ɗəhi kənda təhak na mbwar hətəmachi kənda.6 Dəhə mbwanda hi na ngyatə ndo ɗaka mbwar ki, Mbwar həsəli kəhi and mbwar hətəmachi kəhi njo sə'wandi, a tsəu njo hənda dəhə sənda chahi tə ɓatləti.7 Njo kuɗnda alyanya nji ku huɗa hi, ana əga hyo zədi ənda naya ngə Tlakə ndər gyalkur.8 Dək ka ənga, yo ngyar alyany nji da həya dza, alyanya nji nda mbəɗa ku nya katsakər a ku nji nda hi na ngya ku pama nda, njo wiɗnda nda ku huɗa alyanya mələm.9 Nji nda tə mbəɗa nda ɗə nghətə na ya ku pama nji nda nja təra na nda ka mavakur. Ndo ɗə nghatə ənda huɗa ya tlana ɗəfu ɗim nda ndani nda tə gwa'ati nda sha tsa ɗəuɗa, an ənda lyanda nə suna tə gwa'ati nda nəu kat kənda. Ətsəu nda ndo həɗtsa kər nə nda aka dəhə sə ɗimi nda ndə tə mərti and tsəu dəhə tlər sə həɗ kənda.10 Ana əngə nda ndo zən ənda naya ngə Tlakə ndər gyalkur, ndo ngabiya ənda a da ɓwatanyi ngə ya na yo shilna təmachi təkəra nda wa.11 Ənwa ndə ya Tlakə ndər gyalkur, ka dəgə ya hyaka, dəgəya chaka ka səya ləlla ana nyaka ka na, "Kara naya, kara naya!" Ka mər ənga aka ngama sər həɗ nda njir Isara'ila tə məra. Ndo kuɗa aka ngama katsakər ana hubwa ana təmachi.12 Ndə nda naɗəu, cho tah təwa təmachi ndə nda ləhəu ana katsakər, ndə nda mbəɗa ku pah hubwa a tsiyanyi. Təwa ənga yo mərtə huɗa tlaɗa kwa tatla.13 Hyo zənbiya ənda naya ngə tlakə ndər gyalkur, aku biji nda dza nji tətah and nə kat kənda i'i təhak na mbwar həsəli kənda, ana kala kəraməu nda dzəgaməu , ana kyatəkəra 'wa'war kəraməu, ana kala kiɗa 'wur kat nda na hyali , ana tsəu dəhə mbwa nda nda mər hətə machi nə sə kwit kwitəu anəu dəhə kat kənda. v 14 Yo fətə chaya təkəra nda, yo mərtə hə'ikənda mbwarki ana sə bwatanyi. Fwatə tak kla sər pi yatə Diblah, ana əngə ndo zəndi ənda naya ngə Tlakə ndər gyalkur.'