5
1 Nakə tsə'u ja zər ndəu, hətə katsakər nda kwa səm wi pəɗakəu ka sənda kəraka ana tənghakəni. Ka hətə sər dəkə səu ka dəktə shishi ndani, ka təbiya makəru.2 Ma hanya nda nja patəhi na pahti tə nyabia dzaɗəu təɗa. Ka hətə makərkunya təktər shishi nda ka nginda atə adar ta mələm nda, vanyi ka tsətsənda na katsər nda, makərkunyi ka wiɗnda təgyang.3 Ka gwa'ar kushiu ka mbarnya nyachira ləkutəngha.4 Aku shishi nda tsəu, ka gwa'ar kushiu ko tsaktə gwa'ar ka pəwo hu'u. Ana ənga hu'u o gətə dzaɗəu atəkəra njir Isəra'ila"5 Sənda Tlakə ndər gyalkur təna:Nən nə ngə Urshalima ndaya ɓatləya ga fiya atə adar nji ana mələm wa'wa tə ɓan nda.6 Ana ənga aku ɗimkur kənda nda mər ɓaɓalkur atə kəra gadlagadlaɗa, ana ɓwanyaɗa ana tsaubarɗa ndiyamatsa nji'igətə ɓan nda ga.7Aka ənga, ja sənda Tlakə ndər gyalkur təna: A ndyətəhi nji'igə tə ɓanhi ngə na ɓaɓalkur kər a hya nəu tsaubar ɗa wa, ya ahya nəubiya gadlagadlaɗa wa. Ya ada hya ngya tsatsa'a wi nə nji'ingə tə ɓanhin gə wa.8 "Aka əngam, ja sə nda Tlakə ndər gyalkur təna: Naya təkərɗa yo mər dawa nahi, Urshalima, ana yo mərtəhi nəuma atə lya nji'ingə tə ɓanhi nga.9 Aka ngama səhəɗ həɗ nda hya məra, yo mər təhi sənda paya ta məra ya a yo tsaktə mər səkəwa.