4
1 Yawa, nakə zər ndəu, sər ka hətə fafa tsəfa nda dəgaləu, ka fiya biyamangha, kəl ka təbiya mələm Urshalima ti.2 Sər ka char ənda nja patə mələm nda na pah, kachar ənda nja hyandə sər gyo gyatə dzau dza bangu mələm nda and kachar sər huɓu bangu tə ɓandi bangu mələm nda.3 Kəl ka həti paranti, ka fiya ku pamakə ana bangu mələm nda ana ka shar huɗmaka yituwa nyi. O ɗa wi ɓandi na pah, ana o char nakəngə tə ɓan na pah. Səngə o char sər ba'a da nə njir Isra'ila.4 "Ana ənga ka piya tang tə matsalaka, ka fəkənyi bikə njir Israila təkrakərnga. Ko hətə ɗang kura hanyi nda ka piya tə yinbilyakə tə.5 Ya fətən ɗankura hanyi wi nə ɗankura far biki nda nda məra. Aka ənga hanyi 390 ko hətə biki nə njir Israila kala hanyi nə fah zang cha.6 Ahir a wurantəkə ənga, sər ka piya səkəu təwa chasəmaka, ana ka hətə bikə nə njir Yahuda. A fətəng tiya hanyi 40, kala hanyi nə fah cha.7 Kəl ka shar huɗmaka yituwa Urshalima nda nja ɓan na pah. Ana chakə ɓatlə ɓatlənyi ka pah, Ko mər səɗim ndo ɗana mələm nda.8 Jan yo mbiya nghə na pá tsaka da sha yatə hanya yimbilyaka, kəl binji ka nyabiya hanyi ba'ada ɗankura hanyi nda nja ɓan Urshalima na pahti.9 "Ka hətə alkama ana uhir balye, ana tsər, ana tsər kumtakəu, ana yaɗi, ana alkama takəu, ka daɓəyanda ku təm zang ka mərtə burodi na nda. Nacha ko səma nə ɗnkura hanyi 390 nda ko mər tə piya tə yimbili zang.10 Njo dəkətən sər səum nda ko səm kala biji nə tədəbkur sər dəkə mətləkumunyi ya ko səm atə biji nda njaɓatləya ko səm tə.11 Njo dəkətən ɓiti nda ko sa kala ɓuɓuchi magoji. Ko sa ɓiti nda atə biji nda nja ɓatləyati nda.12 Ko ɓatlə burodi nda wi ngə njo ɓatlə burodi nə alkama. A tə lyanda ko tsa burodi nda ana hu'u ɗəhi nji kuɗkuɗ ko gəɗtə hu'u ni."13 Ngə Tlakə tə na, Aku chulngawasəu, njir Isra'ila kwa səm sə hiɗahiɗa aku pama nji inda yo gətləunda gwaku pama nda.14 Əngə ya na, "Ada əngə Tlakəu wa! Ada yatá mərtə kərɗa hiɗahiɗa pa'awa. Fwatə ku zərkur ɗa shiltə biji nən nan, ada yatá səm sətətəwa ndara sənda kumtakə tə tsəya. A kum hiɗahiɗa da tá ku nya wa."15 " Mekəu," cha na, "yo ngyang ko tsagu burodingha ana hu'u ibi tlá atə vira ɗəhi nji kuɗkuɗa.16 Kəlngə cha natə ɗa, "Zər ndəu, yo tlanda bwabkura sər səm yo ku Urshalima. Nji inga ndo səm sər səm nda njo dəkti ana ləvəra, ndo sa ɓiti nda nja dəkti anadzədzi.17 aka sər səm ana ɓiti ndo gacha. Ndo dzam kərnə nda ana həbiya ɗəfu, ndo kuɗ sam saməu aka bikəkənda.