3
1 Engə ce natə da, yau nakə zər ndəu hətə sən nja nənga ka səmnya. Səmnya Likatkatə pəɗə pəɗənyi nga ka səmnya, ka ma'i yada njir Israila kayi natənda."2 Ngə ya mbəɗiya nya ya, ngə cha fuɗa Likatkatə pəɗ pəɗə nda kaya səmnya.3 Ngə cha ɗatə ɗa əndaya, nakə zər ndəu, ɗənya Likatkatə pəɗpəɗə nga ngə ya nən nga, ka nyan takə ni." Kəl ngə ya ɗə nya Likatkatə nda, ya likatkatə nda nənəm wi muma ciɗi ku nya.4 Ngə nar tsə'u nakə zər ndəu ma'i yada njir Isra'ila ka natə nda mwanyaɗa5 Aka ada nja sən ada chul njir nya nda pa'a ko ngabiya sənda ndo pəwa, bada chulkə nji nda ako tatə kər tə sə nda ndo pə wa, ama jaya a yada njir Isra'ila ngə sənya.6 Əngə tanyi, ada ya sən yada chulkə nji nda kwa mwanya na kyar nda pa'a ko ngabiya, ya ako zən sə nda ndo pə wa, macha yada chulkə nji wi'ingə ya sənghə kwa nda nda səndzə himi da sə nda ko pah.7 Ama njir Isra'ila ad nda na jigadəma nə ngan tən wa, aka ada nda na jigadəma səhim da ya wa, aka njir Isra'ila chulkə nji nda na kər ɓaɓal inda, ɗəfwanda tsəu wi mangu ɓaɓaləu.8 Anə ya mərtəntə ɓaɓal kər wi nəkə nda, ɗəfwakə tsəu ɓaɓal wi nəkə nda.9 Yo mərtə nyamakə ɓaɓal wi ngətə mangu tsika'a, ya ma'a kwa ndiya na ɓaɓal kur, ngwa kada ngatə ləvər kə nda pa'a wa, bada ka dzədzə tsa chul kə dzamən nda ndo dzamən wa, bada ngə chulkə nji tlə mwali nda səkə nda."10 Əngə cha nar ɗa, zər ndəu, səya himi da sən ya nar nghən na ka chunyi ku ɗəfwaka mwanya nə yo na nən na.11 Ma'i ngə chan ja yada nji kə hi nda kwa mə mava kur, ka na nda, "njan sənda Lord Yaweh tə na nda nda səhimi da nda nda ngyari."12 Kəl ngə shanguɗ tə hətə ɗa a shi, əngə ya ngatə kurak dzəgam dzəgam wi ngətə nə dəl səya səya- sər həsəlir Tlakə cha ɗa a ku mbwarngyanyi!-13 aka kurak babkə nə sər pi inda, wi nda nda kwa vavə kər nə nda ana kuraka hyanda nda kwa vavə dza ada kiɗa nda.14 Ən ngə shanguɗ nda tə hətə ɗa shi ga təra na ya, ngə ya təra na huɗa tla ana yo ngatə ənda o təɗa ku shanguɗaya, ana gyalkur Hyel tə ɗana dunama tə kəraya kwa dəkə ɗa.15 Nda ya shil da njir mər mavakur nda na ngya a nya dəl Kebar aku mələm Tel Abib. Ya ngya nə hanyi məɗəfa ana ngya ku pamanda ya kwa mər sər məngəl ya kwa ndzam nda.16 A hir hanyi məɗəfa ngə ɓwanya Tlakəu tə shil daya:17 "Nakə zər ndəu, ya mərtən ndər ɓəla a nə njir Isra'ila; ngati ɓwanya nə dəkə nənghə na, ka tsaunyi bar nə a nyaɗa.18 Ma ya nə ndər mər səɗimi, naka ko tah', ya ada ka tsaunyi bar wa, ana ada ka pəpaunyi jigadəma nə ngyar ɗimkur wa aka ga cha mbəɗndə pyacha wa, ndər mər sə ɗimi nda cho tah aka ɗimkuracha, ama yo yiu pyacha a tsaka.19 Ma ka tsaunda bar ya ngə nda ngyar tləukər tsau bar ngha ga ngyar mər səpəla'a wa, cho tah aka səpəla'anyi, nakə tsəu a mbəɗan təkə pyaka aka ka mər sənda ya na20 Ətsəu, ma dəhə biji nda ndər mər papa'akur tə sha ga gwaku mər ɗimikur, yo fiya sər tləhi amanyi, yo cho tah aka səpəla'anyi. Manda ada ka tsaunyi bar wa, papa'akurnyi inda cha mər tsəu ada njo ɗənghatə wa, ama yo yiu pyacha atsaka.21 Ama maka tsaunyi bar nə ndər mər papa'akur atsacha da mər səpəla'a ya ngə cha ngyar mər səpəla'a cho mbəɗan pyacha ya nakə tsəu a bəɗantəkə pyaka ana ka mər sə nda ya na.22 Ana əngə tai gyalkur Tlakəu tə səya təkəraya atanda, ngə cha natəɗa, "hyatə ka təra gwatə mbəta nga, aku nda yo gwa ndər naka".23 Əngə tai ya təra gwatə mbəta nda, kunda ya la'a həsəlir Tlakəu ta'i ku nda wi nda ya la'a anya dəl Kebar nda, ngə ya pəya pəraɓəu a huɗənyi tsuptənya nə həsəli.24 Əngə tanyi tsəu shanguɗ tə səya ga gwakuya ga hyandəɗa atə hyaya. Cha ndər na'a ga na, "ma'i ka haɗiya kərngha aku ki ngha.25 Nakə, zər ndəu, njo mbiyanghə ku ki ngha ana pah'i tsaka da biya gwa ku huɗa nji.26 Naya tsəu yo ndaɓti kyaraka tsaka da nau ndəra, a da ko mbar tsau nda bar wa aka na nda njir tləmwali nda səkə nda.27 Ama biji nda ya bwanya nənti, yo mbəɗiya nyaka, ko nar nda, 'janə sə nda Tlakə ndər gyalkur tə na, nji nda kwa səhimi nda səhimi, nji nda ba'a da kwa səhimi nda ngyar səhimi, aka na nda njir tlə mwali nda səkə nda.