2
1 Kəl kurakə nda ya ngati tə na na'a, "zər ndəu hya'ati təta'iu yo'i ya ndər naka"2 Winda cha kwa mɓwanya na ya, ngə shanguɗə tə shil daya ga hyandə ɗa tə ta'iu, ngə ya ngatə nyi kwa ɓwanya na'a.3 Chi nar ɗa "zər ndəu, ya kwa sə ngha yada njir Isra'ila, njir hya'a hakiləu, nji nda tə hya'andi hakiləu ɗa, nanda ka njir yan nda tə hyakiləu ɗa tsa'atə binji nya.4 Chulkə nji ina chukə nji ɓaɓalkər inda, ya kwa sən ya da nda, kəl ka na nda, 'janəu sə nda Tlakə tə na!'5 Bada nda səhimi ana a da nda səhimi wa, ndo zəndi ənda ndər mətakər da ku huɗa nda.6 Ya nakətsəu zər ndəu, ngwa ka da ləvər nda bada sə nda ndo pə nənghə wa. Ngwa ka da ləvər wa, bada ngə shikiɗi ka sər dzava a ɓandəngti, ya ana ngyakə ku pama ida'i. Ngwa ka da ləvər ko ka dzə dzə pa'a wa na nda wa, ba da ngə nda ki nda kwa tlə mwali.7 Ko nar nda ɓwanya ɗa, nda nda ngati ana a nda səhimi da wa, mangə nda njir tlə mwali.8 "Ama nakə ja zər ndəu, ngatə sən ya kwa na nən na. Ngwa ka da ɗa na ɓaɓalkər wi nə kə nda wa; kəl ka mɓəɗiya 'nyaka səm nya sən yo nən na."9 Ya kwa dzama kəl yo la'a likatkatə pəɗ pəɗə nyi.10 Kəl ngə cha waliya likatkatə pəɗ pəɗ nda a maɗa, likatkatə nda a tsəfəti kwakwa ana atə dagər ya cha. Sə nda tsəf nda kwa na, na cha ngə, sə'ingu, huɗtla ana təmachi.