1
1 Ana ənga pishir hanyi tufukunya nə hya fwaɗu nə fah makərkunyi, aku bijinda ya ləhə dza dəl Kebar dəhə 'ya ka njinda nja fa'ati yi mər mavakur hi Babila, kel jan huɗamələm tə mbəɗa nghə ya la'a sə shin shin ana Hyell.2 Aku hanyi tufukunyi nə hyanda a hir nda nja hətə Təl Yahoyakin yi mər mavakur.3 Kel mwanya Hyell tə shil da Ezekiel (Pirist) ndər nuna nji zər Buzi ləhə dzər dəl Kebar atə hə'i njir Babila. Atanda kəl jan cha gyelkur Hyell tə səya təkəraya.4 Nda ya kwa ndzama, kəl ngə ya la'a gyan par kwa shil tuwa zədər pichi, kəl jan ləmbəkə 'wal 'wal gagaɗa ana sə mbəl mbəla kwa mbəl təhakə na sənda, kəl nja hu'u atə adar sənda kwa mbəl wi gəlas nda nja kəkəɗ nda,5 ana aku adar hu'u nda, kəl alenya sər pi fwaɗə da 'i ana dzə wi nə nji6 amma dəhənda ana huɗəmanda fwaɗə fwaɗəu ba'a babəkanda fwaɗə fwaɗəu tsu'u.7 Hyanda ndəɗa ndəɗanyi, huɗə hyanda tsu wi nə tlah ngal ngala kwa mbəl 'i wi ngətə gəlas nda nja kəkəɗ nda.8 Chi chul kə nə ndə tsanda a da kiɗa kala babkə fwaɗə kə 'i nda.9 Kala babkə nə sər pi 'i nda kwa tsikar nə vanyi. Kala zhang ku huɗanda tsu kwa ma'i tandaru, a da ndər shadawa ku huɗandawa.10 Jan ənda huɗuma sər pi inda, kala badawa ku sər pi fwaɗə inda ana huɗmanda wi nə ndəu a biyamanda, wi nə ləvari tuwa chasəmacha, wi nə tla ngal ngala tuwa matsalacha, wi nə dwukəu təwa dagər yacha.11 Əngə tanyi huɗəma sər pi inda, babkanda mətləu wun wun nyi kashi kashi, mətləu tsu nda mbuya dzanda ni.12 Kala biji nda shanguɗ tə nəu nanda ti nda kwa 'i tandaru, bada tuwa bari, ya ada na sha ban titiwa.13 Ngyakə ngyar sər pi inda wi ngətə hahir hu'u kwa gəɗa. Hu'u nda kwa ma'i a biyama ana shilhi ku pama sər pi inda, ana tsu sə mbəl mbəl kwa biya kwa.14 Sər pi inda nda kwa hwi a biyama ana shila hi wi ngətə sə kwa mbə wurk wurkəu.15 Wi ndaya kwa dzam sər pi inda, ya la'a hi wi nə charkaina a hu'i ləhə dza kala sər pi inda, Hi inda aka kala sər pi fwaɗə inda.16 Anəu ənda ngyakə ngyar hya sə inda ana ənda nja mər nda. Nda kwa mbəl wi ngətə mangu tsəka'a nda na həsəli, ya dəhə fwaɗə nda sə zhang nda. Kala hi kwa sha aku hi nda.17 Aku biji nda ndo ma'iti, nda kwa ma'i dəhəu ku zhang ku ba nda huɗa huɗəma sər pi inda ya a da kəl nda shar dzanda wa.18 A nəu ənda hya sər pi inda kwa, ki nda hya sər pi inda kwa dzəgam nda ya kwa ninyi sər ləvər nə ndəu, aka ki nda hya sər pi inda kwa li tə ɓan nda tsa'a19 Aku dəhə bijinda sər pi inda kwa sha, kəl kala hya sər pi inda wi nə charkai na inda nda kwa nda atə yimbəlya kala sər pi inda, na nda ma'a kwa sha dəhə nda, əngə tanyi tsəu ma sər pi inda kwa hya'ati kashi kashi, kəl hi'inda ma'a kwa hya'ati kashi kashi tsa'a na nda dəhəu.20 Dəhə ba nda shangu nda tə sharnda, sər pi inda kwa nəu dəhə ba nda, hi inda tsəu nda kwa təra ki inda. Aka shangu sər pi inda aku hya nda nda.21 Ma dəhə bijinda sər pi inda tə sha ti, hya nda ma'a kwa sha. Ma dəhə bijinda sər pi inda tə ta'iti, hyanda ma'a kwa ta'i. Ma dəhə bijinda sər pi inda tə hya'ati sha huɗa mələm ti, hi inda ma kwa hya ti kə'inda sha huɗa mələm. Aka shanguɗa sər pi inda ku hya nda nda.22 A kyatə kəra nda sə da hya hya nyi wi ngə tə ɗauragal kwa mbəla, kwa mər sər ləvəra nə ndəu.23 Ada kiɗa sə hya hya nda, babka sər pi inda ndəda ndəɗanyi, kala babkəu kwa tsəkar nə vanyi sər pi nda tə yimbəlyach. Həya dzər babkə mətlə inda sər pi inda kwa mbuya dza ndani.24 Aka dəhə bijinda sər pi inda kwa ma'iti, kəl yo ngati kurakə wingətə dəl səya səya, wingətə kura ka tsubar nə ndər gyalkur, wingətɨ kuraka dabdzər ləva ləva. Ma bijinda sər pi inda tə ta'iti kəl ndo həya babkanda səya sərpəu.25 Kəl kurak tə shili kyakəra sənda tə mbuya sər pi inda. Ma dəhə bijinda tə ta'íti, kəl ndo həya babkanda sərpəu.26 A kyatəkəra sə nda tə mbuya sər pi inda, sə da wi ngətə dzəga təlkur, nda nja mər na mangu safaya (tsəka'a) nda na həsəli. A da ginda vanya sə da wi ngyakə ngyar ndəu nda na ngya atə sənda wi dzəga təlkur nda.27 Ghəyati saracha agi agi ya la'a vanya sə kwa mbəl wingətə gəlas nda nja kəkəɗ nda kwa hə lya ndəu, ghəyatə saracha a səya asəya tsəu vanya sə da wingətə hu'u kwa mbəla tə ɓandənyi tsa'a.28 Wingətəkatsakərpar atələmbəkəu atəpichir par,əngətanyi mbəlnda təɓandənyi tehakəu.Nən ngəchulkəngyakə ngyar həsəlirTlakəu.Atə bijinda ya la'akəl nda yapiya na huɗmaya səya hu'i,ngə yangatikurakandə nda kwaɓwanya na'a.