Haman tə Gwa'a cha Kuɗənda Njir Yahuda
3
1 Ahir dəhə sə'inga, tə Zazəs tə tsakətənyi dəgalkur nə Haman zər Hammedata, ndər Agag. Cha mərtə nyi dgal matsa alenya njirawawa'a inda. 2 Dəhə njirawawa'a inda kwa ngya nya nyaki tə uzhi mar Haman aka əngə sənda təl tə na nja mər nə Haman. Kəl ja, a Modekai da uzhi ndara cha hətənyi səli nə Haman wa.3 Ngə njirawawa'a inda kwa ngya nya nyaki təl inda tə jau nyi, <<Kami ka ɓəlnda tsaubar təla?>> 4 Kala pəchi ndo ndər nənyi, kəl ja, a da cha səhimi da nda wa. Aka ənga nda nar nyi nə Haman ga nda la'a Modeki kwa shar kərnyi, aka a wurtə cha nar nda ənda ndər Yahuda cha.
5 Nda Haman tə la'a ənda a Modekai do uzhi manyi ndara cha hətə nyi səli wa, ngə cha bugutə dzə na huɗətla. 6 Nda cha zəndəbiya ənda ndər Yahuda ngə Modekai, ngə na a da kəl Modekai tanyi cho tsəya wa, kəl ja, dəhə njir Yahuda inda da kiɗa təlkur təl Zazəs.
7 Aku kwabumətləkunya fa nə təl Zazəs, ku hya tang, hya Nisan, nja mər pur (nacha ngə ɓəl shiu) a biyamar Haman ka nja tabiya pəchi ana hya. Ngə ɓəl shiu nda ta'i tə kwabumətləkunya hya, hya nə Adar.
8 Ngə Haman tə narnyi nə təl Zazəs, <<Alenya nji da ku mətla təlkur ngha, sər jival kənda pam matsa nə alenya nji, ya a da ndo ɓəla gadlagadla nghə wa. Aka ənga a təl ndo kina ngya nda əngə tanyi wa. 9 Macha adatə nə təl, ba'a nja issue decree ənda nja kuɗənda nda, ma nja mər ənga, yo nənyi talent 10,000 nə njir mər nə təl ka nda pəu ku məɗəwa təl.>>
10 Ngə təl tə səɗəya tsəshiu nyi nda na hatimi ti tə cha cha ga nənyi nə Haman sər Hamedata, ndər Agag, ndə nda kwa mər dawa na njir Yahuda. 11 Ngə təl tə nar nyi nə Haman, <<Fiya kwaba nga, ka mər na nji'ingə wi sənda ko i.>>
12 Pəshir kwamakərkunya hanyi ku hya tang nga njir tsəfə nə təl. Nda tsəfəbiya dəhə sənda Haman tə nar nda, nja shabiya shilo nya pampaməu ana lakur tsəfə inda nja kwa mər tlər ni. Nja tsə ana tləmər təl Zazəs ga fətə hatimi nyi ti. 13 Njir ma'i na mafakə na kusa tə təra na ɓwanya nga kyo dəhə mətlə təlkur nda, ənda nja kuɗənda ana nja zhazhinda dəhə njir Yahuda, nja fa'aya dəhə kar kənda, njirawawa ana tlakala, mahi'i ka nguilisha'a atə pəchi zhang, pishir kwabəmakərkunya hanyi nə hya Batəlar, hya Adar. 14 Nja nənyi tsəfətsəfər mafakə nda nə kala mələm, ga chabiya nyi nə dəhə nji ka nda ɓatləya kərnənda ka biji nda.
15 Nja bəzəya tsaubar təl ku mələm Susa ngə njir kusa ma'i na mafakə tə ki təkənda ku dəhə mətla inda. Təl ana Haman tə ngya ndo sa ɓitir ana daɓə njir mələm kwa ɗəngha təkəra ndara mi nga gwa'atə njo mər chul ngəna səu.