6
1 Ətsə ya la'a vanya sə ɗimi tə dunəya, atəkəra nji. 2 Hyel kwa nənyi gəna nə ndəu, cho nənyi səli, ana alenya səu, vəl dəhə sənda ndə kwa gwa'a, kəl ja a da cho ngyar ndə cha səm sə'inda wa. Vanya mihiɓi kwa səm sə'inda. A sakədar səngə da wa, sə ɓwa'atanyi nga.3 Ndə kwa nau yiyah nguilsha'a gharəu ya cho nau ɗang tə dunəya, kul ja, mada aman uwalkura fa nda cha məra, macha a da cha na hirgyaɗi na gəna nyi wa, ya a da cha haɗə mənakə wa, bəliya zər nda tə səya tətənyi tsa cha. 4 Ɓwa'atanyi zər nda shili ya aku kutlə cha ɓələu, ya kutlə ngə tə mbunda tləmə nyi. 5 Mada ngə a da cha la'a pəchi wa ya a da cha zəndə ndara minghə pi wa, tsəu bələya nacha a uya təcha ɓəlsar, 6 tsa ndə nda tə fa 2,000 ya a da cha ngatə məsaɗakur na ngya nyi wa. Ya kyatə bwa zhang ndo ma'i.
7 Dəhə ɓwaɓwatə ndəu, ka nya cha tanyi nga, dəhə ka ənga a da cha taa nyi pa'a wa.
8 Mi ndər dəma ndəya ndə kəkəng na? Mi ndə ɗaliɗali kwa uya zəndəbiya ənda cho ngya na ji'inda na pya?
9 Bələya sənda lya ndə tə la'a tsa fəkər da alenya ɗanghəu. Kərnya ngə ma'a ɓwa'atanyi, gədlə ngyang.
10 Dəhə sənda tə ɗa, a wurtə nji nənyi tləm ɗəɗəməu. A wurtə nji sənda kala ndə kwa ɗa kari. A ndə da kwa təɗə na ndə nda ndəɗə nyi na dunama wa.
11 Ma ɓwanya tə ɗa ɗanghəu, əngə tar sakəda kwa tsaka, ya mi cho tsakətə nyi nda?
12 Wa zəndə sənda na sakəda nə ndə ku hanyi nyi inda pa'a da na sakəda tə dunəya na? Wa kwa nau nar nyi sənda kwa ɗa tə dunəya nə ahir macha təra?