Izza ana ɓwaɓwatər tləra
4
1 Ya ndzamari səkəu, ngə ya la'a ənda njo oppress nji təu dunəya, a la'atəya sələm nji'inda njo nənda ɓwaɓwatəu ya a ndər fətə nda ɗufu da wa, a nənyi tə njə gyalkur nə nji'inda kwa nə nda ɓwaɓwatəu, ya ndər fətə nda ɗufə da wa.2 Ngə ya na, bəliya nji'inda kuɗa na hirgyaɗi tsa njni'inda tsəu ta nda na pi. 3 Kəl ja, nda ndiya dəhəu nacha ngə ndə nda pa'a nja ya pa'a, ndə nda pa'a tə la'a sə ɗimi nda njno mər tə dunəya.
4 Ngə ya ngabiya, sənda gwa'atə ndə kwa mər tlər gagaɗa nacha ngə ga cha uya səu matsa təwul nyi. Ngə tsəu ɓwa'atanyi, ngədlə gyang tanyi nga.
5 Ngə kəkəng kwa pəɗətə chacha, kəl ba'a huɓə tsəyanyi.
6 Bəliya ndə uya sə chi zhang ana pyarɗufəu tsa cha uya chi mətlə ana ɓwaɓwatəu, məlməltanyi na gədlə gyang.
7 Ngə ya ɓəla la'a vanya sə kəla sakəda ku dunəya.
8 Vanya ndə nda, zhang tanyi,
a zər da tsa cha ndara zama wa.
A ɓəlkər ɓwaɓwatə nyi da wa.
Dəhə ka ənga, a lyacha da nyabiya dzə gəna nyi wa.
Ngə cha jauwa,
<<Aka wa ngə yo sa ɓwaɓwata, ka mi yo ka kərɗa tsa ngatə məsəɗakəkura?>>
Ngə tsəu, ɓwa'atanyi,
tlər ɓwaɓwatə tanyi nga!
9 Nji mətlə ndiya tə ndə zhang, aka sakədar tlər kənda kwa ndiya nəu ndə zhang.
10 Ma ndə zhang tə dla, vanyi nda kwa hya'andə nyi. Kəl sər təhuɗə na ndə nda dla zhang tanyi, ya ndər vala da cha hya'atə wa.
11 Ətsəu, ma nji mətlə tə piya, ndo ngatə warm. Kəl ja, aman ndə nda zhang tanyi kwa ngatə warm?
12 Ma ndə tə ki pa zhang tanyi njo kura nyi, kəl ja, ma cha nji mətlə ngə tə ki pa ndo kura ndər dawa kənda. Dza'u njo nau tləu dahaɗə da nja ləmə na sə'i makərəu.
Təlkur Ɓwa'atanyi
13 Bəlya tlakala ɗaliɗali nda na dəma, tsa təl kəkəng nda hala ya a da kwa ngatə təɗə himi wa. 14 Kwa nau ɗa, tlakala nga tə biya ku jarum ga ɗa ka təl, ndara nja ya nyi ku ɗali. 15 Ngə ya jigadəma ga la'a ənda dəhə nji'inda na pi, aku pama nda, zər tlakala da nda kwa da ɗa ka təl. 16 Nji'inda da kiɗa təl ɗang gagaɗa, dəhə ka ənga a ndər shili na usaku ka sənda cha mər wa. Kərnya ngə ma'a ɓwa'atanyi.