Kala Sə na Biji nyi
3
1 Kala səu, biji nyi da, ya bijir mər kala tlər da tsəu tə dunəya.2 Bijir yah, ana bijir tah, bijir tləka ana bijir tsəsənda,
3 bijir tsəya ana bijir mbandi, bijir huɓunda ana bijir həra,
4 bijir tiwi ana bijir gyaɗi, bijir sə'ungwa ana bijir utsa,
5 bijir wiɗənda hangu ana bijir tsəmə hangəu,
bijir gaɓədza ana biji nda a njo gaɓədzə wa,
6 bijir gwa'a ana biji nda a da njo gwa'a wa,
bijir fiya ana bijir sənda,
7 bijir tətanda ana bijir mbəti, bijir bəgə da ya bijir ɓwanya da
8 bijir nyida da ya bijir ɗa tsari da,
bijir pa da ya bijir ngya mənakə da.
9 Mi sənda ndə kwa uya ku dəhə tlər nya? 10 A la'a təya tlər Hyel a fəkənyi nə nji. 11 Cha ɓatlətə kala sə mənakəu aku bijir sə sənyi. Ətsəu cha fəu ku jigadəma ndə, cha zəndəbiya sənda tərabiya ana sənda kwa shili biyama, kəl ja, a da nda na zəndi sənda Hyel tə mərə wa, fwatə ghəyanyi biya tsa'a tə udiyanyi. 12 A ngabiya tiya, ənda sənda ndiyanyi vi nə ndə nacha ngə, cha ngatə məsəɗakəkur ana cha mər mənakəkur ku biji nda nda na pi. 13 Kala ndə cha səm cha sa, cha nənyi hirngyaɗi nə ɗufwa cha aku dəhə tlər nyi, nacha ngə ga'ar Hyel. 14 A zəndə tiya, dəhə sənda Hyel tə məra kwa ngya ba'anawa, a vanya sə da njo fəkəkri ndara nja həbiya kwa wa. Hyel tə mər ənga ka ga nja ngatə ləvər nyi.
15 Dəhə sənda tə ɗa sakana, a wurtə ɗa, ya sənda kwa ɗa biyama, a wurtə ɗa ha'aɗa, ya Hyel kwa gwa'atə sə'inda ɗa nda ɓəla ɗa səkəu.
16 Vanya sə da ya la'a tsəu, a tsəu nəuma jiri da wa kəl nda pəla'akur, ya a tsəu justice da wa kəl nda pəla'akur.
17 Ngə ya jigadəma ku ɗufwa ya, <<Hyel kwa mərtə nyi nəuma nə ndər jiri ana ndə pəla'a, biji da na kala tləra ya biji da na mər kala səu.>>
18 Ngə ɓəla jigadəma, <<Ba nji nəkənda, Hyel ngə kwa dzə nda, ga cha char nda ənda a da nda ndəɗə sərshishi wa. 19 Sənda tə ɗa na sərshishi, əngə kwa ɗa na ndəu, wi nda sərshishi kwa tah, əngə ndə kwa tə tsəu. Səpi kənda sə zhang, a ndə da ndiya sərshishi wa. Dəhə sə ɓwa'atanyi. 20 Dəhə kyatə mbwa zhang nda, dəhə ku hə'i zəbiya nda ya go hə'i ndo ɓələu. 21 Wa zəndi ndara mambəl ndə kwa təra shi, ana ndara mambəl sərshishi kwa təra səya ku hə'i?>>
22 Aka ənga ya la'a, sənda ndəya nyi vi nə ndəu, nacha cha ngatə məsəɗakura tlər nyi, aka nacha ngə sənda Hyel tə ɓatləya nyi. Aka wangə kwa da shili nacha ga cha la'a sənda kwa ɗa ahir cha tah?