Nyandəla Levi
23
1 Sakanda Dauda tə hala, ya fa nyi 'ualəu, ngə fiya zər nyi Saloman ka təl Isra'ila.2 Ətsəu cha tsəmtə dəhə njirawawa'a Isra'ila, dəhə ka pərist ana njir Levi. 3 Nda nja jigabiya njir Levi inda fah kənda makərkumənyi ndara ndiya, ngə nja uya shili 38,000. 4 Ngə Dauda na, <<Aku pama hi, nji 24,000 kwa mər tlər ki Tlakəu, 6,000 tsəu kwa ɗa ka njirawawa'a ana njir mər nəuma. 5 4,000 kwa ɗa ka njir ɓəla nyaki, 4,000 tsəu kwa falə Tlakə ana tsə tsatsa inda ya shili ka ngəna tləra.>>
6 Ngə Dauda tə təkəbiya njir Levi makərəu wi nyavi inda nda biya kwa, Gashon, Kohat ana Merari.
Nyavi Gashon
7 Ja'inə nguil Gashon: Ladan ana Shimeyi. 8 Nguili shili Ladan nanda ingə, Jehiyel zə'uala, Zetam ana Joel, makər nda. 9 Nguil shili Shimeyi tsəu Shelomot, Haziel a naHaran, makər nda. Na nda ingə təkəra ki Ladan. 10 Nguil shili Shimeyi ingə ka, Jahat, Ziza, Jeush ana Beriya, fwaɗə nda. 11 Jahat ngə zə'uala, Ziza ngə nəuwa, kəl ja, a nguil shili da tsa ka Jeush ana Beriya ɗang wa aka ənga nja jigabiya nda ka zhang ana tlər zhang.
Nyavi Kohat
12 Ja'inə nguil shili Kohat, Amram, Izhar, Hebron ana Uzziyel, fwaɗə nda, 13 Nguil shili Amram ingə ka, Haruna ana Musa. Nja dzəvəya Haruna ana nyandəla cha ba'anawa, ka nda mər tlər na sə karti, nda handa təmachi mar Tlakəu, ndara nda mər tlər biyamar Tlakəu ana nda səkənyi papa'akur nə nji ku tləmər Tlakə ba'anawa. 14 Nja jigau nguil shili Musa mava Hyel ku pama njir Levi. 15 Ja'inə nguil shili Musa: Gashon ana Eliyezer. 16 Aku nguil Gashon, Shubayel ngə tangərma. 17 Aku nyandəla Eliyeza tsəu, Rehabiya ngə tangəma, alenya nguilsha'a da tsa Eliyeza wa, kəl ja, nguil shili Rehabiya ɗanghə gagaɗa. 18 Aku nguuil shili Izhar, Shelomit ngə tangəma. 19 Aku nguil shili Hebron, Jeriya ngə tangəma, Amariya ngə kwa nəu nyi, Jehaziyel ngə makərkunyi ba'a Jekamim ngə fwaɗəkunyi. 30 Ətsəu ndo ta'i kala mbudla ka nda usaku ana nda fal Tlakəu. Əngə ndo mər tsəu aba akəu 31 ana ma nja hannda təmachi nə nginda nə Tlakə pishir ngaməngya ana ladər nə taɗər hya, məl na bijir ladər nda nja fiya. Ndo mər tlər biyamar Tlakəu wi nda ɓatləyam aku laku nda nja chabiya nda.
32 Ana ənga, njir Levi tə mərtə tlər kənda tsatsa'a aku madləɓa tsəmdza, mbwa karti a da kiɗa ka zamən nda, nyandəla Haruna, aka tlər mbwa'alə Tlakəu.