1
7 Aku vu'i nda Hyel təuu chabiyanyi kərnyi nə Solomon ga jau nyi, <<gədi kala sənda ka kwa i ya nəngha.>>
8 Ngə Solomon tə wum ga na, <<Ka chari mənakəkur nə Ada ɗa Dauda, ngə ka fiya ɗa təl təvəra cha. 9 Sakana Hyel Tlakəu, ngwa alkawal nda kə mərtə nyi nə Ada ɗa Dauda ɗa təkəɗəu, aka ka fiya ɗa ka təl təkəra nji ɗang wi ngə tə bərbər dunəya. 10 Na'a dəma ana zəndə, tsaka ya kwa nau nəuna njina, aka wa kwa nau nəun chul njinghə inə ɗang na?>>
11 Ngə Hyel tə natənya Solomon, <<Mangə nacha sənda ɗəfwa ka kwa chima, ya a da ka gədi gəna tsaya, ndara səli, ndara ka njir dawangha kuɗə wa, ya janə da ka gədi ka hanyi ngha ɗang gwang wa, amma ka gədi aka dəma ana zəndə ka nau nəuna nji nda ya fəngə nghə ka ɗa təl təkəri, 12 aka ənga dəma ana zəndə o ɗa ka nəngha. Ətsəu yo nənghə sər chi, gəna ana səli, nda a da vanya təl da ta uya ndara kwa uya a hinghə wa.>>
13 Təma ngə Solomon tə ngyar mbwar hsəli nda vu Gibeon, ga ɓəl yi Urshalima,