Dauda Tə Kwasə Rabba na Pah
20
1 Vanya biji nda ka təl ka təl kwa biya ki dla'a, ngə Joab tə biya kə'i ləvaləva Isra'ila ga yi dlanda hə'i Amman. Kəl ja, Dauda nənyi tə ngya vu Urshalima. Joab tə pah Rabba ga kura. 2 Ngə Dauda tə na nja mbəɗəbiya crown ku kəra təl kənda, ngə nja mbəu ku kəra Dauda. Tədəɓəkura mba kər nda kwa kilo makərkumənyi parnya fwaɗəu. Nja ɓatlə pahuɗə nda ana hangəu daɗədaɗa. Ngə Dauda tə fatə kwazhalɓi ku mələm nda. 3 Nga Dauda tə palbiya nji'inda ku mələm nda, ga chiu nda ku mər tlər na zarto, dəla ana kəm. Dauda tə mər əngə nə dəhə mələm njir Amoni. Ngə Dauda ana dəhə ləvaləva nyi tə ɓəl gwa Urshalima.Pah ana Njir Filisti
4 Vanya biji, pah tə ɗa na njir Filisti vu Gezer. Aku biji nda ngə Sibbekai ndər Husha tə tsəya Siffai nda zhang cha ku huɗa ngərndzəuna inda, ana ənga nja kura njir Filisti.
5 Aku vanya pah ka Filisti tsəu, Elhanan zər Jayir tə tsəya Lahmi zamənya Golayat ndər Gat, masə nyi yi (zuwa ndzur.)???
6 Ba'a sakana ku vanya pah nda ɗa vu Gat, vanya ngərndzəuna da ana kwalenghar chi kwah atə kala chi, əngə ma'a hya cha, dəhədəhə mətləkumənyi parnya fwaɗəu. Nacha ma'a nyandəla ngəndzəuna inda cha. 7 Nda cha zəbiya mər jalvi nə Isra'ila, ngə Jonatan zər Shimeya, zaməya Dauda, tə tsəya nyi.
8 Nanda inga nyandəla nji hərtəu avu Gat, ya kuɗətə nda ku cha Dauda ana ləvaləva nyi.