Nja Shili na Gwarara Alkawal vu Urshalima
15
1 Ahir nda Dauda tə hərəya nyi ki kərnyi ku mələm Dauda, cha ɓatləya mbwa ka Gwarara Alkawal Tlakəu, ga latə madləɓa kari. 2 Ngə Dauda tə na, <<Ngwa vanya ndə da hə Gwarara Mbandəra nə wa, kəl nda njir Levi ngə kwa ha, aka Tlakə tabiya nda tə ka nda hə Gwarara nga ana nda mər tlər manyi ba'anawa.>>3 Dauda tə səmtə dəhə Isra'ila vu Urshalima ka nda shili na Gwarara Tlakə shili tə mwanda cha ɓatəya kari. 4 Cha nga nyavi Haruna ana nyandəla Levi.
5 Ku nyavi Kohat, Uriyel ngə gau kənda ana alenya njikənda 120, 6 ku nyavi Merari, Asasiya ngə gau ba'a alenya nji 220, 7 ku nyandəla Gashon, Joel ngə gau, ba'a alenya nji 130, 8 ku nyavi Elizafan, Shemayiya ngə gau ba'a alenya nji 200, 9 ku nyavi Hebron, Eliyel ngə gau, ana alenya nji 80, 10 ku nyavi Uzziyel, Aminadab ngə gau, ba'a alenya nji 112.
11 Ngə Dauda tə nga Zadok ana Abiyatar pərist, ana Uriyel, Asasyiya, Joel, Shemayiya, Eliyel ana Aminadab njir Levi. 12 Cha nar nda, <<Nahi ingə gau i'i ku nyanyi Levi, nahi ana kuvanhi njir Levi hya mərtə kərnə hi chaməu, hya zədə na Gwarara Mbandər Tlakəu, Hyel Isra'ila, shili tə mbwanda ya ɓatləya kari. 13 Kanda a da nahi ngə tə ɗaka shili nə tangərma wa, nacha nga gwa'atə Hyel tə mər huɗatla na mən. A da məna jau tsa cha, ndara aman njo kina mər wa.>> 14 Ngə pərist ana nyandəla Levi tə ɓatləya kərnənda ka nda ki shili na Gwarara Mbandər Tlakəu, Hyel Isra'ila. 15 Ya ngə njir Levi tə hətə gwarara mbandər Hyel ana udzəm kyatə shoulders kənda, wi Musa tə fiya gadlagadla məlməl na ɓwanya Tlakəu.
16 Dauda tə nar nyi nə njirawawa'a Levi, nda fiya ka zamənda ka njir na miya hirgyaɗi, tsa'a na sə tsatsa mbalau, gulum ana simbals.
17 Aka ənga njit Levi tə fiya Heman zər Joel ku pama kə'i zamə nyi, Asaf zər Berekiya, ana ku nyavi Merari Etan z;ur Kushayiya, 18 tsa'a kə'i zamən nda inda kwa nəu na dəgalkur, Zakariya, Jaaziyel, Shemiramot, Jehiyel, Unni, Eliyab, Benaniya, Maaseyiya, Mattitiya, Elifelehu, Mikneyiya, Obed Edom ana Jeyiyel, njir ɓəla nyaki.
19 Heman, Asaf ana Etan njir na miya ngə kwa mbəɗə simbals nda nja mər na ndza, 20 Zakariya, Aziyel, Shemiramot, Jehiyel, Unni, Eliyab, Maaseyiya ana Benayiya ngə kwa mbəɗ əmbalau wi alamot, 21 ana Mattitiya, Elifelehu, Mikneyiya, Obed Edom, Jeyiyel ana Azaziya ngə kwa mbəɗə mbalau, məl na sənda sheminit tə na. 22 Kenaniya ndə nda dəgal təkəra njir Levi ngə təkəra na miya, nacha ngə tlər nyi aka tlalwa cha gagaɗa.
23 Berekiya ana Elkana ngə njir ɓəla nyaki aka gwarara nda. 24 Shebaniya, Joshafat, Netanel, Amasai, Zakariya, Benaniya ana Eliyeza pərist ngə kwa papam biyamar gwarara mbandər Tlakə. Obed Edom ana Jediya tsəu, njir ɓəla nyaki inga.
25 Ngə Dauda ana njirawawa'a Isra'ila ana nji inda nja fəkərə təkə dzukə ləvaləva, tə təra ka nda ki shili na gwarara mbandər Tlakə hya'atə ku ki Obed Edom, ana hirgyaɗi. 26 Aka Hyel tə vala njir Levi inda kwa hə gwarara mbandər Tlakə, nja handa təmachi na tla məɗəfa ba'a gam məɗəfa. 27 Aku biji nda, Dauda tə pədzə dzaki linən mənakəu, tang wi nda njir Levi inda kwa hə gwarara mbandər nda, ku sakan njir na miya ana Kenaniya nda nacha ngə gau təkəra njir na miya. Dauda tsə tə hadzə efod nə linən. 28 Ngə dəhə Isra'ila tə shili na gwarara mbandər Tlakəu ana pə kurakəu, ana mbəɗə tələma gam ana papam, ana simbals ana mbəɗə mbalau.
29 Ku sakanda njo səgwa na gwarara mbandər Tlakə gu mələm Dauda, Mikal kwar Saul kwa ndzamə təwa kagapəu. Ya nda cha Təl Dauda kwa utsa cho mər hirgyaɗi, ngə həyatə cha ku ɗufwa cha.