Dauda tə Ɗa Təl Isra'ila
11
1 Dəhə njir Isra'ila to shili da Dauda vu Hebron ga na, <<Na ea, kum na mashi nghə ea. 2 Ku biji inga tərabiya, dəhə Saul ngə təl, nakə ngə tə nəuna njir Isra'ila ki dla'a. Ya Hyel Tlakə nghə tə nar ngha, <K nəuna nji ɗa, Isra'ila, ko ɗa ka təl kənda.> >>3 Nda dəhə njirawawa'a Isra'ila tə shili da təl Dauda vu Hebron, ngə cha mbandər kə'i nda biyamar Tlakəu, ngə dzəvəya nyi ka təl Isra'ila, tang winda Tlakə tə mər alkawal təwa nya Sama'ila.
Dauda tə Kwasə Urshalima
4 Ngə Dauda kə'i nji nyi tə təra gwa Urshalima, nda njo nga Jebusi. Ngə njir Jebusi inda na ngya hinda, 5 tə nar nyi nə Dauda, <<A da ko gu nə pa'a wa.>>Kəl ja, dəhə ka ənga kəlnda Dauda dləuya mələm Sihiyona, nacha ngə mələm Dauda.
6 Ngə Dauda na, <<Kala ndə nda tə nəu na ləvaləva ka da pah njir Jebusi, cho ɗa ka midala ləvaləva.>> Kəl ngə Joab zər Zeruyiya tə ɗ ka tangərmar ndə nda tə biya, ngə nja fiya nyi midala ləvaləva.
7 Ngə Dauda tɨ fiya mələm nda na ɓangtili ka mbwarngya nyi, nacha gwa'atə njo nga mələm nda, mələm Dauda. 9 Ngə Dauda tə udə tsakə ku gyalkur, aka Tlakə Ndər Gyalkur tsa'a na cha.
Ləvaləva Dauda in na Dunama
10 Ja'inə tləmər ləvaləva inda tsa'aka dəhə njir Isra'ila tə chidzənyi hi nə təlkur Dauda nda gwa'atə cha ɗa na dunama, wi nda Tlakə tə mər alkawal 11 ja'inə tləmən nda,
Jashobim ku nyavi Hakmoni, nacha gau tƙəra ləvaləva wawa'a, zhang tanyi tə pah nji 300 ga kuɗənda nda ku biji zhang.
12 Nda kwa nəu nyi nacha ngə Eliyazar zər Dodai ndər Ahohi, zhang ku huɗa nji kwalkwal makər inda. 13 Tsa'a na Dauda vu Pas Dammim ku biji nda njir Filisti tə tsəmtədzə ka pah. Atə vanya mbwa nda vanya babal na bali, ku bijinda ləvaləva tə whi tsa njir Filisti. 14 Kəl ja, nda ta'ita nda nəkənda, atə ghadar babal nda, nda pah ga kura njir Filisti, ngə Tlakə tə mərtə nda kwasa.