T;ur T;ul Saul
10
1 Njir Filisti tə pah njir Isra'ila, ga kura nda nja kuɗənda nji ɗanghə kyatə dəgəl Gilbowa. 2 Njir Filisti tə gədlə Saula ana nguil shili nyi, ngə nda kuɗənda nguil shili nyi, Jonatan, Abinadab an aMalkishuwa. 3 Pah nda tə ɗa dza'u gagaɗə nə Saul, ya nda njir ha hafə tə gədlə nyi nda takasiya nyi.4 Ngə cha nar nyi nə ndər hə kar pah nə nyi, << Tsəbiya katsakər ngha, ka tsəya ɗa, tsa nji kəla tlatla bədzang da shili mərtə ɗa sər həyati.>>
Kəl ja, a ləvaləva nda da mər əngə wa, aka ləvər tə səya nyi gagaɗa, ngə Saul tə tsəbiya katsakər kər nyi ga dla səya təkəri. 5 Nda ndər gəzə kar pah nda tə la'a ənda Saul tə ti, nacha ma'a cha dla səya təkəra katsakər nyi ka tah. 6 Ana ənga Saul ana nguil shili nyi makər tə kuɗa, ya dəhə ki nyi tə kuɗa.
7 Nda njir Isra'ila inda ku dakə tə la'a ənda ləvaləva tə təra na whi ana ənda Saul ana nguil shili nyi tə kuɗa, nda ngyar mələm kənda i'i ga təra na whi. Kəl ngə nji Filisti tə shili ngya tanda ku mələm inda.
8 Vanya zəkə nda njir Filisti tə shili ka fa'atə sər sakəda inda dza nji kuɗəkuɗa, ngə la'a Saul ana nguil shili kuɗəkuɗənyi kyatə dəgəl Gilbowa. 9 Ngə nda tlanda kəra Saul, ga hətə kəra cha ana kar pah nyi, ga lənda mafakə ku dəhə hə'i Filisti ku pama katə kənda ana nji kənda. 10 Nda piya kar pah nyi ku mbwa'alə katə kənda, ga hakəya kəra cha aku mbwa'alə Dagon.
11 Nda dəhə nji'ina na ngya vu Jabesh Giliyad tə ngatə dəhə sənda njir Filisti tə mər nə Saul, 12 dəhə shili inda kwa nau pah tə ga ki shilina dza Saul and nguil nyi yi Jabesh. Ngə nda haɗəya ɗəhi inda da kiɗa vanya wu dəgaləu, ngə səm dzən hanyi məɗəfa.