خطِ پولُس بَلدِه فِلیمون
پیشگُفتار
فِلیمون یگ ایماندار بُود و اِمکان دَره که یکی از اعضای جماعتِ ایماندارای شارِ کولُسیه بُوده بَشه. اُو یگ غُلام دَ نامِ اونیسِیموس دَشت که از پیش شی دُوتا کدُد و یَگو چِیز شی ره ام شاید قد خُو بُردُد. مُطابِقِ قانُونِ رُوم جَزای ازُو کَلو سخت بُود. دَ امزُو زمان پولُس دَ بَندی‌خانه بُود و اونیسِیموس قد ازُو آشنا شُد و دَ وسِیلِه ازُو دَ عیسیٰ مسیح ایمان اَوُرد.
دَ امزی خط، پولُس از فِلیمون خاهِش مُونه که اُو اونیسِیموس ره دَ عِنوان بِرارِ عزِیز خُو قبُول کنه و قد ازی کار دِل-و-جانِ پولُس ره تازه کنه.
طبقه-بَندی مَوضوع_ها
دُعا و سلام (آیِه ۱ - ۳)
شُکرگُزاری و دُعا (آیِه ۴ - ۹)
خاهِشِ پولُس از فِلیمون (آیِه ۱۰ - ۲۵)