خلاصی از دِستِ شرِیرو
سرُودِ باله رفتو دَ اورُشَلیم.
129
دُشمنای مه از دَورونِ جوانی مه مَره کَلو آزار-و-اَذیَت کده؛بیل که اِسرائیل بُگیه:
2 ”اُونا از دَورونِ جوانی مه مَره کَلو آزار-و-اَذیَت کده،
لیکِن دَ بَلِه مه پیروز نَشُده.
3 قُلبه‌گرا دَ بَلِه پُشت مه قُلبه کد،
و خط های قُلبِه خُو ره دِراز کد.“
4 لیکِن خُداوند عادِل اَسته؛
اُو بَندهای شرِیرو ره مُنٹی کده مَره خلاصی دَد.
5 کسای که از صَهیون بَد مُوبره
بیل که پگ شی شرمِنده شُده عَقَب نِشِینی کُنه.
6 بیل که اُونا رقمِ عَلفی بَشه که دَ بَلِه بام ها سَوز مُونه
و پیش ازی که رُشد کُنه، خُشک مُوشه؛
7 و دِرَوگرا حتیٰ دِست خُو ره ازُو پُر نَمِیتَنه
و نَه ام قَوده‌گر بَغل خُو ره.
8 و راه‌گُذرا نَگیه:
”بَرکتِ خُداوند نصِیب شُمو شُنه.
مو دَ نامِ خُداوند شُمو ره بَرکت مِیدی.“