فصلِ پوزدَهُم
تقسِیمِ اَولادِه یهُودا
1 پِشکِ طایفِه اَولادِه یهُودا دَ مُطابِقِ اَولادِ بابه های ازوا دَ طرفِ جنُوب تا سرحدِ اِدوم، دَ بیابونِ صِین تا آخرِین نُقطِه جنُوبی بُر شُد. 2 سرحدِ جنُوبی ازوا از آخِرِ دریای مُرده، از خلِیجی که سُون جنُوب اَسته شُروع مُوشُد 3 و طرفِ جنُوبِ کوتلِ عَقرَبِیم رفته دَ صِین تیر مُوشُد و دَ جنُوبِ قادِش بَرنیَع بُر شُده دَ حِصرون تیر مُوشُد و تا اَدار مورفت؛ ازُونجی سُون قَرقَع دَور مُوخورد 4 و از عَصمون تیر شُده دَ دریاچِه مِصر مِیرَسِید و دَ دریای کٹهa خَتم مُوشُد. اِی سرحدِ جنُوبی ازوا بُود. 5 سرحدِ شَرقی ازوا از دریای مُرده تا شُروعِ دریاچِه اُردُن مِیرَسِید. سرحدِ شمالی ازوا از خلِیجِ دریای مُرده از دانِ دریاچِه اُردُن شُروع مُوشُد 6 و اِی سرحد دَ بَیت-حُجله بُر شُده دَ شمالِ بَیت-عَرَبه تیر مُوشُد و سرحد دَ سنگِ بُهَن باچِه رئوبین باله مورفت؛ 7 اِی سرحد از دَرِّه عَخور دَ دبِیر بُر مُوشُد و طرفِ شمال رفته سُونِ جِلجال تاو مُوخورد که رُوی دَ رُوی کوتلِ اَدُمِیم دَ جنُوبِ دَرّه اَسته؛ اِی سرحد سُون آوهای عین-شَمس تیر مُوشُد و دَ عین-روگِل خَتم مُوشُد. 8 بعد ازُو سرحد از دَرِّه باچِه هِنّوم سُون دامَنِه جنُوبی یبُوسیا یعنی اورُشَلیم بُر مُوشُد و ازُونجی سُون شِیخی کوهی بُر مُوشُد که رُوی دَ رُوی درِّه هِنّوم دَ غَرب بُود، دَ آخِرِین نُقطِه شَمالِ دَرِّه رِفائیا؛ 9 بعد ازُو سرحد از شِیخی کوه سُون چشمِه آوهای نِفتوَح پیش رفته دَ شارای کوهِ عِفرون بُر مُوشُد و تا بَعله یعنی قِریَت-یِعارِیم اِدامه پَیدا مُوکد؛ 10 و سرحد از بَعله طرفِ غَرب دَور خورده دَ کوهِ سَعِیر مورفت و از دامَنِه شمالی کوهِ یِعارِیم یعنی کِسالون تیر شُده دَ بَیت-شَمس تاه مُوشُد و دَ تِمنه مِیرَسِید؛ 11 بعد ازُو سرحد سُون شمال دَ دامَنِه عِقرون مورفت و طرفِ شِکرون پیش رفته دَ کوهِ بَعله تیر مُوشُد و دَ یَبنئیل مِیرَسِید؛ و سرحد دَ دریای کٹه خَتم مُوشُد. 12 و سرحدِ غَربی ازوا دریای کٹه و بَغل های شی بُود. اِی بُود سرحدای چارطرفِ اَولادِه یهُودا دَ مُطابِقِ اَولادِ بابه های ازوا.
13 دَ مُطابِقِ اَمری که خُداوند دَ یوشِع کدُد، اُو بَلدِه کالیب باچِه یفُنّه دَ مینکلِ اَولادِه یهُودا یگ تقسِیم زمی دَد که اُو قِریَت اَربَع یعنی حِبرون بُود. اَربَع آتِه عَناق بُود. 14 کالیب سِه اَولادِه عَناق ره که شیشَی، اَخِیمان و تَلمَی بُود، ازُونجی هَی کد. 15 ازُونجی اُو دَ خِلافِ باشِنده های دبِیر بُر شُد؛ نامِ پیشنِه دبِیر قِریَت سِفر بُود. 16 و کالیب گُفت: ”ھر کسی که دَ بَلِه قِریَت سِفر حَمله کنه و اُو ره بِگِیره، ما دُختر خُو عَخسه ره دَ عِنوانِ خاتُو دَ امزُو مِیدیُم.“ 17 اوخته عُتنِئیل باچِه قِناز، باچِه بِرارِ کالیب اُو ره تَصَرُف کد و کالیب دُختر خُو عَخسه ره دَ عِنوانِ خاتُو دَزُو دَد.
18 وختِیکه عَخسه پیشِ عُتنِئیل اَمَد، عُتنِئیل اُو ره گپ دَدb که از آتِه خُو زمی طلب کُنه. غَیتِیکه عَخسه از اُلاغ خُو تاه شُد، کالیب ازُو پُرسان کده گُفت: ”چِطور که اِی سُونا اَمَدی؟“ 19 اُو گُفت: ”مَره بَرکت بِدی؛ ازی که زمِینِ جنُوب ره دَز مه دَدے، چشمه های آو ره ام دَز مه بِدی.“ اوخته کالیب چشمه های باله و چشمه های تاه ره دَزُو بخشِید.
20 مُلکِ طایفِه اَولادِه یهُودا دَ مُطابِقِ اَولادِ بابه های ازوا اینی اَسته:
21 شارای طایفِه اَولادِه یهُودا دَ دُورتَرِین نُقطِه جنُوب سُون سرحدِ اِدوم اینیا بُود: قَبصئیل، عیدِر، یاجُور، 22 قِیناه، دِیمونه، عَدعاداہ، 23 قادِش، حاصور، یِتنان، 24 زِیف، طِلِم، بِعَلوت، 25 حاصور-حَدَتاه، قِریوت-حِصرون یعنی حاصور، 26 اَمام، شِماع، مولادہ، 27 حَصَرجَدہ، حِشمون، بَیت-پالِط، 28 حَصَر-شُوعال، بِئیرشِبَع و بِزیوتیه شی؛ 29 بَعله، عَیِیم، عِصِم، 30 اِلتولَد، کِسِیل، حُرمه، 31 صِقلَگ، مَدمَنّه، سَنسَنّه، 32 لِبائوت، شِلخِیم، عَین-رِمّون. جُمله بِیست و نُه شار قد آغِیلای شی.
33 و دَ تِپه های غَربی: اِشتائول، صُرعَه، اَشنَه، 34 زانوَح، عین-گنِّیم، تپُوَح، عینام، 35 یَرمُوت، عَدُلام، سوکوہ، عَزیقه، 36 شَعرایم، عَدِیتایم، جِدیره یعنی جِدیروتایم. چارده شار قد آغِیلای شی.
37 صِنان، حَداشاہ، مِگدَل-جاد، 38 دِلِعان، مِصفه، یُقتئیل، 39 لاخِیش، بُصقه، عِگلون، 40 کَبون، لَحماس، کِتلِیش، 41 جِدیروت، بَیت-داگون، نَعمه و مَقیده. شونزده شار قد آغِیلای شی.
42 لِبنه، عاتر، عاشان، 43 یِفتاح، اَشنه، نِثِیب، 44 قِعِیله، اَخزِیب و مَریشه. نُه شار قد آغِیلای شی.
45 عِقرون قد منطقای گِرد-و-بَر و آغِیلای شی؛ 46 از عِقرون تا دریای کٹه، پگِ جایای که دَ نزدِیکِ اَشدود بُود قد آغِیلای شی؛ 47 اَشدود قد شارا و آغِیلای شی؛ غَزه قد شارا و آغِیلای شی تا دریاچِه مِصر و تا دریای کٹهc و بغلای شی. 48 و دَ کوهِستو: شامِیر، یَتِیر، سوکوہ، 49 دَنّه، قِریَت-سَنّه یعنی دبِیر، 50 عَناب، اِشتِموه، عانِیم، 51 جوشَن، حولون و گِیلوہ. یازده شار قد آغِیلای شی.
52 اَراب، دُومه، اِشعان، 53 یانِیم،d بَیت-تپُوَح، اَفیقه، 54 حُمطه، قِریَت-اَربَع یعنی حِبرون و صِیعور. نُه شار قد آغِیلای شی.
55 مَعون، کرمِل، زِیف، یُوطه، 56 یِزرعیل یُقدعام، زانوَح، 57 قاین، گِبعه و تِمنه. دَه شار قد آغِیلای شی.
60 قِریَت-بَعل یعنی قِریَت-یِعارِیم و رَبه. دُو شار قد آغِیلای شی.
61 دَ بیابو: بَیت-عَرَبه، مِدِین، سِکاکه، 62 نِبشان، شارِ نَمَک و عین-گِدی. شَش شار قد آغِیلای شی.
63 مگم اَولادِه یهُودا یبُوسیا ره که باشِنده های اورُشَلیم بُود، هَی نَتنِست. امزی خاطر یبُوسیا تا اِمروز قد اَولادِه یهُودا دَ اورُشَلیم زِندگی مُونه.