Bò flèv Babilòn nan
137
Bò rivyè Babilòn,
Nou te chita,
n ap kriye
Pandan n ap sonje Siyon.
2 Nou te pandye hap nou
Sou pye sikren nan zòn nan.
3 La,
moun ki te mennen nou nan kaptivite yo mande nou chante,
Moun ki t ap gaspiye nou yo mande nou lajwa:
Chante youn nan kantik Siyon yo pou nou!
4 Kòman pou n ta chante kantik Letènèl
Sou yon tè etranje?
5 O Jerizalèm,
si mwen bliye w,
Se pou men dwat mwen bliye m!
6 Si mwen pa ta sonje w,
Si mwen pa mete Jerizalèm
Pi wo pase pi gran jwa mwen,
Se pou lang mwen kole nan fon bouch mwen!
7 Letènèl,
sonje pitit Edon yo
Ki te di nan jou Jerizalèm nan:
Kraze,
kraze
Jis nan fondasyon l!
8 Pitit fi Babilòn ki pral detui a,
Benediksyon pou moun ki aji avè w,
Menm jan ou te aji avè nou an!
9 Benediksyon pou moun ki pran pitit ou yo,
Ki kraze yo sou woche a!