Tranble devan Letènèl
114
Lè Izrayèl te soti Lejip la,
Lè mezon Jakòb te soti kay yon pèp ki pale yon lang etranj,
2 Jida vin yon sangtyè pou li,
Izrayèl vin yon wayòm pou li.
3 Lanmè a wè sa,
li pran kouri.
Jouden an tounen an aryè.
4 Mòn yo sote tankou bouk kabrit,
Ti mòn yo sote tankou ti kabrit.
5 Lanmè,
sa w genyen ou pran kouri a?
Jouden,
sa w genyen ou tounen ann aryè?
6 Mòn,
sa w genyen w ap sote tankou bouk kabrit la?
Ti mòn,
sa w genyen w ap sote tankou ti kabrit la?
7 Latè,
tranble devan Senyè a,
Devan Bondye Jakòb la,
8 Li menm ki chanje woche a an lak,
Li menm ki chanje gwo wòch la an sous dlo.