TUHAN pai kep mben Israel drek dip gi ikuk yok bak kwar nya
8
1 TUHAN pai <<Ma jibindei bimbi pun mbrei tut mun di buhun a! Siceu injei bicoi Ditde minu mem gima ihwen ba, ihwenti dima noyam kin hacam di cut di sus mun di yem a! Ditde limwa nya itunggwei Ditde nipreu ei bit yokti bisrep tut Ditde ningginausi nya cem tu. 2 Mbro nok gino ijem Da nok ide Allah ba, ipai bipia yoni ne Ditde limwa di ikan tut Da lo, 3 ikou sut mun di kei a. Gima rino ide nitok nya yuhuk-huk nyen yok.4 Ditde limwa nya intu kep Da tut dingon kanti mem yok bi leu api ita ide nibou ndig. Ikon ide nibou nya igbit yonti ingon kanti njiriek dingon kanti mem yok. Igyai ide mas kin perak ba, ibibon kwar di ikuk yok bak. Nibon kwarti ribindei timek yonti hanyen a. 5 Dingon mpo tut kwar sapi nikre di timiei minu ndig Samaria iba mas bibon di ikuk yok bak a. Digga yoni bibor. Ibindei ba, map kui yokti kikau tug hon kwar dima ug bipek apig bu i? 6 Nibibon mas cig mben Israel gom bon kwar di ikuk yok bak ei Samaria! Gima ne Allah nijit rin bi ba, suar ibindei timek hak ug! 7 Tirigi Ditde limwa nya igimahap ningan hou he ne yoni mipuk ningat hou sigau ri! Ide miai gandum len bi. Ba, gima bindei ba, igyai tepun mem ide njita cem bi. Noro tirigi miai dima len leu api ngkiai nya mikwei yem tepun dima bingwig leu yok. 8 Israel bon ninyeng bu bi ba, idem kep dibijig di kimbo. Yoni ne mben nitu he noyam kin ngkiai nya. 9 Mben Israel ibit yonti ingon kanti noyam kin keledai nehek di bit nonti ningon kanti. Yoni yuug hara mben Asyur mem gima ikwei mpu yok. Lene iba mitiei bipek nijem nisut bit mben hi ter nya. 10 Mbro nok gima lo, midinduk yok keyam bidikes hukum ei yoni dip yo.e Jei bi ne yahara inghuisi di wei drek dip nibou ndig minu Asyur di co kep yok.
11 Mben Israel iwin nimbar hum dok mang-mang bikum eisi bu mem ibipiap ide sisar lo, gima nok ibibon mpia mang-mang bikum eisi bu mem gima ibibon sisar nimangti cem bikum eisi bu! 12 Dipas kep nipingokti mang bibor mem yok noro irok gima yok hagom lewo ikan bipia gima bitut yoni bi sren. 13 Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di TUHAN dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!
14 Mben Israel inda jo kep nibou ndig de ig nya biwin. Noro ibbwe ser No Di Pai Tes yok. Mben Yehuda ibindei ba, tentara nibousi di igya coi nya jo bidem ide minu ndig nya. Noro midikes hum biyem ide nibou ndig de ig nya kin ide minu ndig nya bitimek bingwig.>>