SRAT NABI DANIEL
NIHYET GI BIBIE TUT
Srat Nabi Daniel pai sut nijam di Nibou Ndig Nebukadnezar ninyeng tak kep mben Yahudi bihwen bit yok leu api nibou ndig ngkiai ibou poi bu igya luei yam hoti ba, ico kep yok. No di pas kep srat dini ba nipui mun kin ningat-hi-ngat di noni ngat bibiwin kep nide bat mben Yahudi ingonti. Noni bindei ba, igyok ingon mem nituti dino Allah bindei timek nibou ndig di co kep Nide limwa nya leu api pindi yok ba, ide nibou ndig ninyeng tak kep yok hanyen bu.
Srat dini bon hanjop nsi can ba, hacem bon ninyeng. 1. Nipui mun tut Daniel kin nisut bat nya ibou poi di ingat rin ei ingkiaisi. Yoni ibindei timek ide siceu nya tug hon nisinati dino iba ingon com Allah bibit nihyet. Mun dini yok pek kep mem yok mem nijam di nibou ndig minu Babel kin nibou ndig minu Persia inyeng tak kep. 2. Ningat-hi-ngat nya di Daniel ngat sindam bou niyai him di ndo brei binoni tut nibou ndig minu Babel ninyeng tak kepti di mbut sindem bibor mem nijam poi noro pror hanyen bu. Nok gima cem tut nibou ndig ngkiai nya ibou poi bu di igya luei yam hoti sindam noro itug ndei nimai bram nibou ndig minu Babel nitug ndei nimaisi. Ningat-hi-ngat dima ndo nimbot kepti tut nibou ndig di imbuk nya ibou poi di ingkek ndok tut Allah. Yoni cem icut noro Allah ninyeng tak kepti mbut sindem ba, bit bon cut kan bi.
Nirop Ninda Ndigsi
Daniel kin nisut bat nya igyai munti nya 1:1--6:28
Ningat-hi-ngat di Daniel ngat 7:1--11:45
a. Mindhe-ndhe ningut bitai 7:1-28
b. Domba nikre ningut gom kin kambir nikre ningut gom 8:1--9:27
c. Malaikati mbrap bit Daniel 10:1--11:45
Nijam ningwig honti 12:1-13