SRAT NABI HOSEA
NIHYET GI BIBIE TUT
Nabi Hosea tri tut nihyet niabiati Nabi Amos tri tut nihyet leu su. TUHAN sok nihyet ei noni dip bak mben Israel di ibong ei nite bei mpia nijjai mem nijam di buhun bibor nipou tirigi mben Israel itimek bingwig bigyo ei nijam ari bingwam sratus muhwindacan ningot can ba, gom nipou tirigi Yesus srek bigyo. Hosea krau ningon tut nide limwa nya di ingon gom tut TUHAN bi drek dip gi ikuk yok bak kwar nya. Noni ndo bindo tut ingon di gom tut TUHAN bisi dima ei mpe dino noni wak sop di ningon gom bi nok nitnem. Hosea nitnem di ningon gom tut noni bi ndo bindo tut TUHAN de limwa nya di ingon gom tut Noni bi. Gima rino hukum di buhun bibor micut igkep yok. Mbro nok gima lo, bit bon TUHAN ningondut Nide limwati nya ug hon nohonti kan bi. Noni miya um yok tirigi ingkwei hanyen ndam Noni ba, ingon kwes kin Noni. Ayat di ndo igbit TUHAN ningondut Nide limwati nya pai <<Je di mben Israel e, bit bon disindui sut je ei bidikes je ei kan bi ... gino dibibon je nok gima ne dingon bei srep tut Danti lewo dingondut je nindig bibor!>> (11:8).
Nirop Ninda Ndigsi
Hosea nitnem yoni ide niwak yamti kin ide ig bei nsi nya 1:1--3:5
TUHAN sok nihyet ei Hosea dip bak mben Israel 4:1--13:16
Hosea tri tut nihyet tut gi ittin ser ide sisar kin TUHAN nipreu ei mem yokti 14:1-9