SRAT NABI YOEL
NIHYET GI BIBIE TUT
Nabi Yoel nikwei leusi kin nijam di noni tri tut nihyet jo nibreisi mem tungwatu nya bi. Noro ikan bipia noni tri tut nihyet mem nijam gi nimuhwi e, he nijam gi nibitai e, nipou tirigi Yesus srek bigyo. Nijam dima ne nibou ndig Persia nya inyeng tak kep dihyeisi dini hagom. Yoel tri tut nihyet tut hai ceng nya di ingwig kep minu Palestina kin bed di biang mpia ngei di jo ninno ei minu dima cem. Noni kan bipia mun di buhun bibor dima ndo bindo tut TUHAN De Njap tirigi Noni mikes hukum ei yo di itte tut ningon kanti. Nabi Yoel tri tut Allah nicuk mben Israelti leu binhyepo ittin ser ide sisar bitri tut Allah di preu ei mem yok bipia Noni minjei mun di kei bak yoni apino ibong kei igwam kei hanyen. Ayat di bon ninyeng ei srat dini pai sut Allah Ninnei di Noni mikes ei tungwatu nya yahagom dip bitut sop nya kin pinai nya cem yo di igyati nddong kin pilei nya cem. (Yol. 2:28-32; Kis. 2:17-21).
Nirop Ninda Ndigsi
Hai ceng nya ingwig kep minu dima 1:1--2:17
TUHAN preu ei mem Nide limwa nya bipia Noni mibindei yok ba, ikei hanyen 2:18-27
TUHAN De Njap 2:28--3:21