2
1 <<Na di tungwatu di ayaijo kikau bi e, akiju lewo dimbrap bit na ug ri.>> 2 Hammi tirigi nihyet dima tibim ei ditingou nsi rino Allah Ninnei coi kwei ei dingonti bibindei ba, dikiju bidiya pijum. Leu api dimiap nihyet dima pai bida bu, 3 <<Na di tungwatu di ayaijo kikau bi e, dipinak na ndam mben Israel lewo yaham imbuk kep Da noyam kin idigup bat-idigai bat nya di yaham imbuk kep Da nipou su. 4 Ingkek ndok ba, igikuk yok biDa bi. Gima rino Da di TUHAN Di Dinyeng Jei Bibor disok dihyet ei na dip bak yoni. 5 Mpaba ingig itingou mem ahyet e, he bi e, dikan tut bi. Noro gi bon ninyeng rino suar ikan tut bipia nabi gom no rinaha ei ikieti.6 Na di tungwatu di ayaijo kikau bi e, ma attin tut yo di ingkek ndok dima yok kin ighyet au. Mbro nok gino isrep tut bingwes om kep na ba, gima noyam kin gino abong bit amai nggre nya lo, ma attin tut yok au. 7 Ma atri tut mun di disok ei na dip hagom biyok. Mpaba ingig itingou mem ahyet e, he bi e, dikan tut bi. Ma ayok ngon kep bipia yoni yaham imbuk kep Da igkei.
8 Na di tungwatu di ayaijo kikau bi e, ma ayok ngon kep dihyet lene ma aham ambuk kep Dani au. Noro ma ahap aji ba, ayem mun di diyai bina hak.>> 9 Lene dingat ninda di su tut srat kijum gom kwei ndam da. 10 Ninda dima kwek srat kijum dima bidingat lo, srat bokti jo bei ninghim noho. Nipas kepti dima tut ningon di ngguk biborti kin ninso-nso nyenti kin niweisi.