Doia nibinggei sut minu ndig Yerusalem
122
1 Daud de doia nikui ug ei Mbigdip Sionti.Dingon llei nindig bibor tirigi tungwatu nya icuk da bipai <<Jikwei ba, icoi ug ei TUHAN De Ig!>>
2 Nogindini nikwei krau binicoi kak dimbou pmem minu ndig Yerusalem tu.
3 Tungwatu nya iwin bikinding minu ndig Yerusalem ba, inyohou dimig ig hagom nok gi kei bibor.
4 Keret mben Israel di TUHAN dimig ei su nya induk yam kwei ei mpia dini leu binhyepo ipai sigyo hanyen biNoni bit leu nok nicuk yoti.
5 Nibou ndig di intun Daud him nya imbus ide limwa nya ingonti ei mpia dini.
6 Jingat nadi tindei nibong kei nigwam keisi mem minu ndig Yerusalem bijipai <<Dijoi sut gima yo di ingon ngakei minu ndig Yerusalem ibong kei igwam kei ba,
7 yo di ibong ei minu dini ingon kwes kin yam. Ma yo di inang bicoi ug ei ade tentara nibousi nya ibong kei igwam kei.>>
8 Dipai bak timiei minu ndig Yerusalem <<Ma jahagom jibong kei jigwam kei!>> Lewo dingon a tut dide bat kin disut bat nya di ibong ei sirima.
9 Dingon a tut ide TUHAN Allah De Ig. Gima rino dingat nadi leu binhyepo timiei minu ndig dini ibong kei igwam kei.