Ninang coi TUHANti
121
1 Doia nikui ug ei Mbigdip Sionti.Dicap ser nungug him nya bidingat no di mpu da mikwei leu hantou i?
2 TUHAN di pai tes mpia-bbed him kin dihyeisi dini mikwei mpu da.
3 Noni misindui sut ba, acut ug ei nikineisi bi lewo Noni bong nyek ser na.
4 No di ngkiem ser mben Israel niyai nggrop buhun bibong mai bi sren.
5 TUHAN miya ser na ba, ngkiem ser na cem.
6 Mpia njap mibindei ba, anggwen mem njap bi, bed mmun mibindei ba, anggwen mem mmun cem bi.
7 TUHAN miya ser na leu binhyema mun di buhun bibor cut igkep na bi. Noni miteu na ba, angwes ngun apino ayaijo a.
8 Noni miya ser na mpe di angkwei-ngkwei nyen mem njap di ammani kui bijo ninno bijo kikau.