Doia nibikiek Njap Ndig Paskah
114
1 Tirigi mben Israel yehei leu minu Mesir ba, yo di intun Yakub him imbut leu ingkiaisi,2 lene TUHAN yai hanjop Yehuda nok Nide mpia di kwes lene yai Israel nok Nide dihyei hanjop nsi di ninyeng tak kep.
3 Muk Lipig ngat Noni leu api nang. Minyei Pmem Yordan ntus ba, biam bi.
4 Nungug nya ipri-pri nyen noyam kin kambir nya lene mbigdip nya igwam ibiau dip nyen nok domba mien nya.
5 Muk ndigsi e, mindei rino bindei di anang i? Minyei Pmem Yordan e, mindei rino bindei di antus ba, abiam bi i?
6 Mei, nungug jen e, mindei rino bindei di jipri-pri nyen i? Mei, je di mbigdip nya e, jigwam jibiau dip nyen tut mindei i?
7 Dihyeisi dini e, adigit ei TUHAN Noho bei, ei Yakub de Allah Noho bei,
8 ei TUHAN di bindei po bor ngug nok minyei ut lene nungug tig nok minyei bousi pima Noho bei cem.