Doia nibinggei sut TUHAN nisingatti
113
1 Ma jinggei sut TUHAN! Je di TUHAN de awak nya e, ma jinggei sut TUHAN!
2 Gima mibindei ba, ninyeng mitibim bidem minu hagom mem nijam dini lene bijo nijam jei cem.
3 Suar tungwatu nya leu nite bei mpia nipriti kikau ug ei nikimbasti inggei sut TUHAN.
4 TUHAN ninyeng tak kep ngkiai nya yahagom ba, ninyeng jeisi jo anai dor njiriek mpia-bbed him.
5 Tou rinoyam kin ide TUHAN Allah i? Noni kui bigwam ei Nide banggo mbrei dip ei mpia di anai.
6 Noro kuk No leu binhyepo cap mpia-bbed him kin dihyeisi dini.
7 Noni teu yo di yuhui mbum leu dihyei ndung lene kon yo di nikinei-kinau leu atriem ndung,
8 leu api bindei ba, igwam bit yo di isindem bibor kin Nide limwa di inyeng jei nya.
9 Noni bindei ba, sop wak cam di pijet yai nimunggwom bat nya apino ningon nggei-hi-nggei bininyeng jei ei nide ig.
Ma jinggei sut TUHAN!