40
1-2 Ayub e, gino ahyet jei kep Da di Allah Di Sindem Bibor ne akes ahyet hon e, he ma abuhup mun di dihig ser na tut nya e.>>Ayub buhup TUHAN nihyet
3-4 Lene Ayub buhup TUHAN nihyet bipai <<TUHAN e, duhui buwei. Notou midibuhup ahyet hanyen bu i? Midikimut duhui tut dingon kanti hak ug.
5 Lewo duhui buwei sut mun nyeng mang bibor binjiriek tu.>>
6 Lene TUHAN ba sigau bibuhup Ayub nihyet hanyen.
TUHAN buhup Ayub nihyet
7 Noni pai <<Ayub e, akiju ba, akwei ya ei Doho bei dem kep no di pinai leu api abuhup dihyet nok igbit.
8 Abingon mem gima acuon ser Ditde ningon sren-srausi e? Ambrap gau nanti angon di sren lo, anjei mun di kinei kep Dani e?
9 Ade nisindemti noyam kin Ditde nisindemti e? Ahyet tibim nok kru di cut noyam kin Da dihyet e?
10 Gi nok lene ma aba anyeng di jei kin angon di jei bimau nanti. Ma ajuk sinsun nibou ndig bitut nikei-kau-keisi.
11 Angig ayai kep yo di ingon jei nya leu api anden kau tut ade ningon sibui sut yokti leu api abindei ba, ikuk yok binani hak ug.
12 Igbit ri! Ma angig ayai kep yo di inggei-nggwang tut yonti leu api abindei ba, ikuk yok ei aho bei. Ma aco kep yo di isibut nya ei igyati.
13 Ma atig yok ei dihyei jou ba, abikrop yok ei minu nimai nya ide.
14 Gino ayai nok lene midinggei sut na lewo aba ade nisindemti bindei ba, yahagom icut bak nani tu.
15 Aba angon bisrip huk mindhe di nindig krop di ninyeng Behemot ug e.b Dipai tes noni kin na di Ayub cem. Noni yem kep minta dem kep nok sapi.
16 Noro angig ayai kep ningut di sindem bibor kin ninggiluk niprip di dor bibor i!
17 Noni su nipu di singga dem kep nok binsip nda ba, nindimuhum nddong kei cem sindem bibor cem.
18 Ninjum noyam kin ngkimom-tembaga di bit bon hi kinam kan bi ba, nimig dem kep nok cou ngkimom nitu.
19 Noni ne mindhe di mipbor ngat dor njiriek mindhe di dipai tes nindigsi nya hagom ri. Da di dipai tes noni rima Dangkom disindem mem gima dipijuk noni.
20 Minta bou di nok njita mem noni hei bidem nungug tou nya ei mpia di mindhe-ndhe di niten-pos nya ikek-kek nyen eisi.
21 Noni bong nyahan ei susti di nitigot-tigausi lene ku no nyahan ei minyei yaisi ei lipig nghousi nya.
22 Sus di tigot-tigau kin biei gandarusa ei mam bei jei gau noni ba, nok nohousi mem gi noni bong kep ninghuisi.
23 Mbro nok gino Minyei Yordan ninggram biam sindem bibor lo, noni kek eisi bidigit tut bi. Mbro nok gino minyei yon gau niimaisi lo, ningon jo nyahan.
24 Tou ridem mem gima kat noni bitak niyai ba, ndin bon bisrou nuhwap jou i?