Nibou Ndig Daud ta nibou tentara nya kin nibou ndig hiter nya
27
1-15 Midyai nidimig Israel ninyeng tak kepti nimbutti ne nibou ig bei nsi nya kin nibou nya di ibie tut insi de nya kin nibou tentara nya ide midyai ri. Bikwop nijam bed gom mem nijam ari bingwam gom lene nibou gom ya tut nide nimpung nya ba, iluei-luei yam tut midyai di igyai mem nijam bed gom dima. Bikwop nimpung gom-gom nide tungwatu imangti ibou sribu ningot can bitai.Nibou mem nimpung nya di igyai midyai bikwop bed nya inyeng rino Yasobam di Zabdiel nipmot (di ntun keret Yehuda him bicoi bit Peres ninsi de nya) yai midyai mem bed gi nigom lene Dodai di ntun Ahohi him yai midyai mem bed gi nican ba, Miklot ya kui noni lene Benaya di Imam Yoyada nipmot yai midyai mem bed gi niningai ba, noni nok nibou mem Nimpung Nikon Pran Cig Ibou Ningot Ningai (nipmot Amizabad ya kui noni) lene Asael di Yoab nikinjoi yai midyai mem bed gi nibitai (nipmot Zebaja ya luei nohoti) lene Samhut di ntun Yizrah him yai midyai mem bed gi nimuhwi lene Ikes di Ira di nitimieisi leu Tekoa nipmot yai midyai mem bed gi nimuhwindagom lene Heles di nitimieisi leu minu ndig Peloni di ntun keret Efraim him yai midyai mem bed gi nimuhwindacan lene Sibkhai (di ntun keret Yehuda him bicoi Zerah ninsi de nya) di nitimieisi leu minu ndig Husa yai midyai mem bed gi nimuhwindaningai lene Abiezer di nitimieisi leu minu ndig Anatot ei keret Benyamin de hanjop nsi yai midyai mem bed gi nimuhwindatai lene Maharai di ntun Zerah him ba, nitimieisi leu minu ndig Netofa yai midyai mem bed gi nisimnai lene Benaya di nitimieisi leu minu ndig Piraton ei keret Efraim de hanjop nsi yai midyai mem bed gi nisimnaibrimiggom lene Heldai di ntun Otniel him ba, nitimieisi leu minu ndig Netofa yai midyai mem bed gi nisimnaibrimigcan.
Nibou mem mben Israel ide keret nya
16-22 Mben Israel ide nibou keret nya inyeng rino Eliezer di Zikhri nipmot nok nibou mem keret Ruben lene Sefaca di Maakha nipmot nok nibou mem keret Simeon lene Hasabya di Kemuel nipmot nok nibou mem keret Lewi lene Zadok nok nibou mem keret Harun lene Elihu di Nibou Ndig Daud nikindig nok nibou mem keret Yehuda lene Omri di Mikhael nipmot nok nibou mem keret Isakhar lene Yismaya di Obaja nipmot nok nibou mem keret Zebulon lene Yerimot di Azriel nipmot nok nibou mem keret Naftali lene Hosea di Azazya nipmot nok nibou mem keret Efraim lene Yoel di Pedaya nipmot nok nibou mem keret Manasye di ibong ei nite bei mpia nicutti lene Yido di Zakharia nipmot nok nibou mem keret Manasye di ibong ei nite bei mpia nipriti lene Yaasiel di Abner nipmot nok nibou mem keret Benyamin lene Azareel di Yeroham nipmot nok nibou mem keret Dan.
23 Nibou Ndig Daud kwop yo di ide njap ug ei ari bingwam nyatungwagom nibehei inyeng bi. Lewo TUHAN preu ei mem noni bipia mibindei mben Israel ba, imangti dem ham mpia-bbed him. 24 Yoab di Zeruya nipmot kinyon ei nikwop mben Israel inyengti pima noro kwop inyeng biput bi lewo Allah kes hukum ei mben Israel dip drek dip nikwop inyengti pima. Gima rino imangti di ikwop tu tibim kin daptar di Nibou Ndig Daud yok ei nide kintrorti bi.
Yo di inyohou nibou ndig de ndigban inyenga
25-31 Yo di inyohou nibou ndig de ndigban inyeng rino Azmawet di Adiel nipmot nyohou ig gudan ei nibou ndig de ig cem ei minu ndig Yerusalem cem kin Yonatan di Uzia nipmot nyohou ig gudan ei minu ndig Yerusalem nisai kin Ezri di Kaleb nipmot nyohou yo di igyai miai nya kin Simei di nitimieisi leu minu ndig Rama nyohou yo di igyai miai ba anggur nghousi kin Zabdi di nitimieisi leu minu ndig Syifmi nyohou ig gudan di inju ba anggur ngei eisi kin Baal-Hanan di nitimieisi leu minu ndig Gederi ba, noni nyohou biei zaitun kin biei ara (ei nungug kiou nite bei mpia nicutti) kin Yoas nyohou ig gudan di inju mini zaitun eisi kin Sitrai di nitimieisi leu Saron nyohou mindhe nimuhup tu di ingat rin ei Briep Bou Him Saron kin Safat di Adlai nipmot nyohou mindhe nimuhup tu di ingat rin ei mbang briep nya kin Obil di ntun keret Ismael him nyohou unta nya kin Yehdeya di nitimieisi leu minu ndig Meronot nyohou keledai nya kin Yazis di mben Hagri nyohou domba kin kambir nya.
Yo di ipingok kep Daud ningonti nya
32 Daud nipmum Yonatan yai ningon di binggok puig bibor ba, bipingok kep tungwatu ingonti igkei. Noni pikor tut mun nyeng hagom tu. Nibou ndig ndo noni kin Yehiel di Hakhmoni nipmot mem gima inyeng tak kep midyai ningginau nibou ndig nipmot bat nyati. 33 Ahitofel ne Nibou Ndig de nipingok kep ningonti igkei ri. Lene Husai di mben Arki ne nibou ndig nisut di ningon kieti di pingok kep ningonti cem ri. 34 Tirigi Ahitofel mai leu lene Yoyada kin Abyatar di Benaya nipmot bat cin igya luei nohoti bu. Lene Yoab ne nibou pran di ninyeng tak kep tentara nya ei Nibou Ndig Daud ninyeng tak kepti ri.