Nibou Ndig Nya Gi Nican i

SRAT NIBOU NDIG NYA GI NICAN

NIHYET GI BIBIE TUT

Srat Nibou Ndig Nya Gi Nican binut Srat Nibou Ndig Nya Gi Nigom di pai mun tut mben Israel ide nibou ndig nya. Srat dini bon nide hanjop nsi nindig can.

1. Nipai mun tut nibou ndig nya di inyeng tak kep limwa nya ei minu Israel kin minu Yehuda cem mem nijam muhwindatai nahacanti nipou tirigi Yesus srek bigyo kikau ug bipek mpe dino Samaria cut bak nide siceu nya. Mun dima cut igkep mben Israel di ibong bei mpia nijjai ei Samaria mem ari bingwam sratus muhwindacan nyatungwagom ba, gom nipou tirigi Yesus srek bigyo.

2. Nipai mun tut nibou ndig nya di inyeng tak kep limwa nya ei minu Yehuda mem ari bingwam sratus muhwindacan nyatungwagom ba, gom pima kikau ug bipek mpe dino Nebukadnezar di nok nibou ndig mem mben Babel bindei ba, minu ndig Yerusalem timek bingwig ei ari bingwam sratus muhwi ningot muhwindaningai ba, muhwindagom nipou tirigi Yesus srek bigyo. Srat dini ninggrupti pai sut nibou ndig mem mben Babel ninyeng tak kep Gedalya di nok nibou ndig mem Yehuda ba, pai sut Yoyakhin di nok nibou ndig mem timiei Yehuda nya di Nebukadnezar kwek leu ig bui nsi ei minu Babel cem.